高振順-Facebook-min

Facebook 高振順 中信 : 你嘅資料仲安全嗎?

Cambridge Analytica搞到 Facebook 雞毛鴨血嘅醜聞越玩越大,果然不出所料玩到嚟香港,Cambridge Analytica 嘅前CEO竟然同香港低調殻王 高振順 合組公司,呢間公司同 Cambridge Analytica嘅關係,應該係未來各方人馬嘅追查焦點。而呢件事,香港人係應該要知。

高振順 蔡東豪 Facebook 主場新聞 立場新聞

高振順 係乜水,有炒開股都知佢係乜水,佢表面上係低調殻王,佢亦係蔡東豪嘅老闆。而蔡東豪係主場新聞嘅創辦人,而立場新聞同蔡東豪嘅關係,我亦十分之有保留。

蔡東豪算係我舊上司,我本來唔想郁到佢,但 高振順 同Cambridge Analytica玩埋一齊,呢件事令我起極大戒心,因為你唔知 高振順 收埋啲數據做乜, 高振順 有同中信集團合作,即係啲數據隨時會送到中共手中。所以主場新聞執笠,竟然用到最仆街嘅手段,所有主場新聞嘅數據文章全部消失,究竟係真消失,定係成個Server被人打包攞去研究,我好懷疑。而以 高振順 同Cambridge Analytica嘅江湖關係,就更加信唔過。

而最令人心寒係,Cambridge Analytica既然幫納吉條仆街打選戰,依家又同 高振順 搭上,即係Cambridge Analytica隨時問Facebook攞過香港人嘅資料,咁香港人嘅資料有無送到Cambridge Analytica果度做嘢,同埋 高振順 呢間公司又係做乜,成班泛民支持懵盛盛share立場新聞,咁立場新聞相關嘅數據又送到乜人手上?呢一切一切,我覺得成件事太恐怖, Facebook 固然係信唔過,香港人遲早都要delete Facebook,因為Cambridge Analytica嘅手,好明顯接觸到香港人果度,但立場新聞,一樣係信唔過,因為 高振順 同蔡東豪嘅關係,令人無法信任。

點解我唔信任立場新聞,以及其前身主場新聞,我亦唔駛再作解釋。 高振順 同Cambridge Analytica嘅合作,說明一切。

發表迴響

你的電子郵件位址並不會被公開。 必要欄位標記為 *