罷工-min

地鐵電車 罷工 記

有個揸住歐盟護照嘅契弟叫周融,成日都老屈佔中暴力,佔中影響經濟。呢啲友仔,我成日都話,咁X愛中國,退咗英國公民身份佢。喺歐洲, 罷工 係閒過立秋。啱啱好3月21日, Düsseldorf 、Bonn 同 Köln 全市地鐵電車巴士 罷工 ,係唔係咁大鑊,唔係囉。

罷工 又如何?

我本來都唔係好知有罷工,係啱啱要由屋企去交文件俾政府部門,去到 Straßebahn 站(電車站),有工會嘅人用德文話 Streik, Keine Bahnen,用香港語譯即係罷工呀,無車呀,咁呀,我又唔介意行路,所以就行路十分鐘過去。個個德國人都係咁,大家無乜怨言,甚至因為 罷工 嘅緣故,你不幸遲到都會寬容一下,因為大家都知道,呢個唔係你責任,而大家都會尊重 罷工 呢項改善民生嘅公民權利。

呢次 罷工 係叫Warnstreiks,即係警告性 罷工,如果勞資雙方去到談判破裂邊緣,通常會嚟個廿四小時 罷工 示警,增加談判本錢,如果仲係傾唔掂數,堅嚟大 罷工 就唔係講玩。呢次公用事業嘅工人要求加薪百分之六,政府唔肯,就揀咗一啲大城市玩吓先,所以古龍、波恩同杜鄉就中咗招。因為呢三個城市電車、地鐵、巴士停晒都可以幾頭痕,例如古龍就搞到一條大車龍出嚟,因為個個都揸車返工。

但我呢度杜鄉有無搞到大擠塞,又唔係,因為我呢個城市啲人,一般都慣11號(行路),或者係揸單車,無由屋企揸架單車出嚟,唔緊,Download Fordbike 嘅 App揸喺街上嘅共享單車咪得,所以喺德國你可以唔識揸車,但唔可以唔識踩單車,仲要最好保持一定技術水平,咪俾自己嘅駕駛技術生銹,因為一旦 罷工 呢啲場合,你識踩單車就一切無問題,你話係唔係堅咁大影響,又唔係嘅,當做吓運動囉。所以,德國係無周融呢啲撚樣存在,更加唔好講啲藍屍。

所以我會唔會認為佔中有問題,我覺得佔中好和平,至少地鐵仲正常,巴士仲行得好咗添,喺德國,呢啲嘢,至少罷工喇,唔好講漢堡G20果鑊極度專業而勇武嘅抗爭行為,煙花、炮仗、梳化都出齊。香港人,只係一班大鄉里。

發表迴響

你的電子郵件位址並不會被公開。 必要欄位標記為 *