派錢-min

突然 派錢 民建聯跟車太貼炒X咗車

鄭泳舜條契弟贏咗九龍西議席後,由要 派錢 就話唔爭取 派錢 ,全民覺得民建聯呃選票。本來一直民建聯啲「車手」駕駛技術都幾好,只不過,呢次似乎跟車太貼,跟住炒埋,依家陳茂波突然打算派兩千蚊,睇嚟跪低全民派錢指日可待。如果係咁嘅話,我睇怕民主黨成功爭取一出嚟,你民建聯堅係跟車太貼,易生意外。

派錢 單嘢民主黨係少數取態正確

民主黨本來反對 派錢 ,但由於民意反彈,所以變咗人民力量以外最堅持 派錢 嘅政黨,話如果唔 派錢 唔投贊成票,雖然大家估林鄭月娥係梁系人馬,但似乎林鄭月娥過往同民主黨行得埋過曾蔭權嘅底,依家竟然浮咗上水,林鄭月娥好奇怪在意民主黨呢啲反對票,所以突然一百八十度轉向要派錢,如果係咁,就係民主黨同人民力量成功爭取派錢,鄭泳舜就變咗搖風擺柳嘅呃票柒頭,九西第二役民建聯派乜水出嚟打都好,都可以用鄭泳舜嘅呃票事跡同全世界講,咪張票投俾一個騙徒度,屆時焦土派想玩乜都無X用。呢鋪民建聯玩開嘅早收三日風扮成功爭取,變成太早收錯風,跟車太貼炒車炒到傻。

依家香港政治形勢係越嚟越難玩,因為太多你中有我,我中有你嘅情況,依家變咗係 Inglourious Basterd 裡面,喺個bar度,真假德軍喺檯底用槍互指大家春袋呢一幕。

派錢-春袋
派錢-春袋

當 派錢 再加北京維穩費不足,土共為狗餅互咬搞到一嘴毛事件,呢啲仲唔係呢幕檯底鬥指春袋,之後就係雙方開晒火,互射射到成間bar啲人全部死晒果隻,呢啲膠到無朋友嘅情景,早收三日風嘅結果只係會被人跣到食西北風。

民建聯或者以為呢啲嘢又可以搵中聯辦施壓,無錯,鄭泳舜堅好鍾意搵老豆抱抱,咁大個人都未戒奶,好一個裙腳仔,只不過,大家留意林鄭月娥嘅突然轉向係佢上京列席人大政協會議收到,而董建華同何柱國都要爭狗餅互咬果陣,其實林鄭月娥喺北京收咗乜密旨,如果有密旨,你覺得中聯辦依家聽習系點嘅人會聽你點,哈哈哈,佢地都係嘥氣喇。所以 派錢 呢單嘢,證明一班無腰骨嘅人搞政治,結果就係被人當垃圾袋咁話唔要就唔要無人可憐。

發表迴響

你的電子郵件位址並不會被公開。 必要欄位標記為 *