大和解

大和解 與狗餅搶奪大戰

話說尋晚民主黨收咗林鄭月娥三萬銀捐款,我以為焦土派會出手,仲預先出手打佢地先,點知係 大和解 三字一出,刺激啲五毛藍屍,慌死狗餅被人分鬼咗,竟然出嚟炮打林鄭月娥,睇嚟最驚 大和解 嘅唔係焦土派,而係周融呢啲靠狗餅維生嘅仆街。

大和解 有乜可怕

你話有無理由周融班英籍投共太監驚林鄭月娥 大和解 ,梗係有理由,林鄭月娥同李永達係老友,由大學識到依家,周融呢班友係無同林鄭月娥呢種相識微時嘅關係。而且林鄭月娥親自揀番嚟要喺佢個政府內閣度果個人,就係前民主黨嘅大腦羅致光教授。同埋一吹 大和解 之風,呢班食慣狗餅,煽動是非嘅友仔立即飯都無得開,所以佢地見到 大和解 呢三個字,仲唔驚。仲要政府都話唔想追DQ4啲人工,其實呢單嘢對呢啲狗餅友,係一大挫敗嚟。

而林鄭月娥係作為行政長官第一位捐錢俾民主派政黨,仲要公開咁捐,呢件事至得人驚,曾蔭權爵士年代,曾蔭權自己唔捐錢嘅,而係透過唐英年呢個政務司司長去捐,避免啲人有不必要嘅猜想,但林鄭月娥係二話不說攞三萬蚊出嚟叫李華明唱歌,呢件事係唔係林鄭月娥收到習近平柯打做嘅呢,如果係嘅話就大件事咯,屆時周融邊度搵錢養佢老婆,所以呢,焦土派都未諗到新spin,仲問緊中聯辦條友寫緊乜劇本果陣,周融已經衝出嚟打林鄭月娥,反對 大和解 ,呢件事都堅係有得解。

雖然呢度成日鏟林鄭月娥上天花板,我都依家都仲係反對林鄭月娥做特首,但林鄭月娥喺呢個詭異嘅政治形勢下,佢有佢有一套奇特手段,特別依家香港人其實未摸清楚習近平呢個皇帝係一個點嘅皇帝,一個充滿矛盾嘅皇帝喺北京落咗乜柯打俾林鄭月娥呢個欽差大臣,你班土共識條鐵咩,譚耀宗呢啲係唔識中共黨史,鞋油都落錯,被人用毛澤東嘅嘢抽水抽到變人乾都未知自己膠。所以呢三萬銀捐款,周融自打林鄭月娥,反而係救咗民主黨,當然胡志偉果個擁抱大灣區嘅演辭至係最有問題,而大中華膠係好容易因民族情意結投咗共都唔知,只不過,依家成棚共狗為爭狗餅食,已經搞到成個政界都係狗毛,同埋花生殻。

發表迴響

你的電子郵件位址並不會被公開。 必要欄位標記為 *