Facebook- 法國-min

Facebook 仲可以荒謬到乜嘢時候

Facebook 係一間仆街到爆嘅公司,呢個唔駛講,呢間公司本身啲programmer強唔強,我好有保留,但佢地可以夠膽死用埋啲機械人到爆嘅政策,一路犯錯死不悔改,所以我相信 Facebook 如果繼續呢種自以為是嘅作風,結果就係被網民或政府聯手殲滅,死無全屍。

Facebook 幾時意識到佢地嘅program係垃圾

本來我一直唔鍾意 Facebook 一樣嘢就係Program用RAM同CPU太勁,喺Safari可以用到hang hang吓簡直不可思議(雖然Google都有爛爆嘅Google Drive排第二),佢地啲php programming問題多多都算,其實 Facebook 應該意識到佢地嘅AI或靠舉報數字嚟衡量舉報成唔成立呢樣嘢根本係唔會邏輯,一早要執笠,但結果係成日都有殺錯無放過嘅事件成日發生,而完全缺乏上訴渠道,或者所謂上訴渠道你根本無法聯絡到個真人,咁就令好多人會質疑呢間公司究竟係唔係服務大眾。

好似呢張法國大革命名畫,你同我講會涉及裸露所以刪咗,你 Facebook 班友無嘢嘛,究竟 Facebook 個AI學咗啲乜,學咗中國共產黨模式去亂咁河蟹啲嘢,依家 Facebook 班友同請咗班香港政府嘅茂利去做審查有乜分別,我認為一啲分別都無。所以齋係佢地AI程式,公眾已經有足夠理由去審視呢間公司嘅管理,特別係喺審查員係點請返嚟,同埋成個審查program係點運作,你見過Google會亂咁ban人,我就未見過,當然,Google本身其實都係少涉及內容審查方面嘅工作,係Adsense過往被人玩到殘晒,但係Google呢幾年都花咗唔少功夫都執番掂個Adsense,簡單嚟講,你肯block晒啲惡名昭彰嘅bot主機,應該會少好多不必要嘅invalid clicks嘅。

Facebook 仲可以荒謬到乜時候,其實我覺得係時候要 Facebook 嘔番 Instagram 同 WhatsApp 兩間公司出嚟,但Whatsapp最為關鍵。因為 Facebook 真係無人知呢間公司想點。

發表迴響

你的電子郵件位址並不會被公開。 必要欄位標記為 *