價真棧點解可以沙膽成咁?

2008年8月15日商台的報導

盧重興又說,現時信用咭公司同商戶之間的合約規定,不容許使用信用咭時加入任何限制,包括收取手續費及設最低的簽帳額。消費者若有足夠證據,證明曾繳付手續費,並列印在收據上,發咭銀行就可處理索回費用的申請。

言猶在耳,在今天小弟前往價真棧灣仔分店購物時,小弟買了五十一元東西,價真棧以小弟買不足二百元為理由,拒收信用咭。仲大大聲話公司規矩,佢地唔收吹得佢地脹。

呢件事令我覺得好憤怒,如果價真棧咁唔想做信用咭生意嘅,不如唔好設信用咭終端機喇。我會定期做刁民,專搵呢啲當消費者權益係死嘅公司抽出嚟。依家咁嘅年代,仲咁樣做生意,睇幾時步平霸後塵。

22 thoughts on “價真棧點解可以沙膽成咁?

  1. 撇開上次我朋友收了信用卡反而會蝕的例子吧

    現有一件貨品原價$99
    用現金付,店方可得$99收益。

    使用信用卡付款後,設服務費為3%,店方可得$96收益。

    設使用信用卡和現金付款的顧客各為50%,店方為求得回平均$99 收益,會將貨品加價為$102。

    看,
    你要求的「消費者權益」,真的保障了消費者權益嗎?

  2. 三倍笨蛋:

    照你這樣說,香港還有合約精神嗎?雷曼迷債,寶藥黨昆人就要苦主硬食,原來商戶就可以按自己的需要,唔理合約決定收唔數信用咭。

    我都話,咁唔妥份合約,咪個個都唔收信用咭囉。

  3. 如果商戶認為信用咭銀行手續費貴,可以全部唔收,唔好在合約條款外加花樣,無人用槍指住商戶要開Credit Card Terminal,開得Credit Card Terminal就一視同仁。

    而且照你嘅理論,我駛五百蚊、三百蚊同五十蚊都係要俾同一比率嘅Charge,你嘅理論支持唔到香港商戶大細超。

    香港的奸商遇到你呢挺消費者,真好。

  4. 你認為高價的產品,就一定有相同比率的利潤空間?
    例如一枚$200的CPU,我朋友的公司只賺你$5。一部$1200 的Playstaion 2,老闆亦只是賺$50。
    要麼就不分現金信用卡劃一加價,要麼就他倒蝕。

    也就是說,我認為你的想法,政治正確度滿分;至於若果如上文例子依照合約確切地實行起來,就只有加價一途,而那會損害所有顧客,尤其現金付款的顧客的權益。

    也就是說,恭喜你,你成功將你使用信用卡的權利,建立於剝削現金消費者的身上。

  5. 少為奸商狡辯。

    如果商戶真的怕補貼,可以乾脆唔收卡。香港的小商人,就是剝削消費者都找藉口。不要說為現金付款客人權利,講這麼多。

    處理現金本身,搵人排隊,本身都有成本。

  6. 三倍笨蛋兄講的,不正是david webb 說的
    “信用卡禁止商戶收手續費是反競爭和損害消費者權益”嗎?
    詳情請參閱蘋果批….

    其實黃兄對這個問題怎麼看?

  7. 如果信用卡組織的合約,容許商戶收手續費,ok,我無問題。

    但如果商戶同信用卡組織之間的合約唔俾咁做,你無喇喇收我手續費,咁我想問呢種係乜做生意手法?

    你唔妥信用咭公司規矩的,就唔好開Terminal,或者只係做EPS,唔好收信用咭。做生意係,你要乜收費都好,唔該請清講楚,我最憎中國人做生意係,成日違反合約或法律,搞違法嘢,然後搵十萬八千個藉口為自己辯護。

  8. 我補充一點係:香港人最鍾意話,自己公司規矩,乜嘢唔啱法律,唔合情理嘅合約都訂得出,做生意大晒就可以做土皇帝。

  9. 商戶點會怕補貼,一樣係賺咁多。
    係我呢d用現金既人怕多d囉。為左令你可以愉快地使用信用卡,而商戶又唔違規,我就明明冇使用信用卡服務都要俾多D囉。

    係架,可以可以乾脆唔收卡,又或全部貨品加價,咁就冇煩惱,睇你認為邊種機會率大d啦。

    「處理現金本身,搵人排隊,本身都有成本。」?用信用卡免排隊呀?

  10. >香港人最鍾意話,自己公司規矩,乜嘢唔啱法律,唔合情理嘅合約都訂得出,做生意大晒就可以做土皇帝。

    聯想:你呢一番話令我聯想到扔蕉事件…
    香港人最鍾意話,外國議會文化都係咁、立法會唔係普選產生,唔合情理嘅法律都訂得出,為民出聲代民發洩大晒就可以做扔蕉手。

  11. 我會建議銀行cut晒果些違反合約商戶的terminal,睇邊個傷些。

    信用咭同EPS就係免排隊,信用咭同EPS處理過程係電子化,個Terminal每日結數同你計埋收咗幾多,現金仲要逐張銀紙數,果些唔係Labour Cost?你入Cash就要每日搵人排隊同數錢,果些係Cost嚟。

    我只係覺得有些膠人為奸商辯護,乜都講得出。

  12. 我一向都認為三倍笨蛋係典型中國膠,唔講法理邏輯果種。自己講唔過,就無啦啦拉到無關係嘅事去屈人。

    依家商戶唔跟合約做事,我作為消費者無入稟民事算係咁。乜我好贊成擲蕉,在外國,如果真係蓄意擲蕉,搞到俾人告普通襲擊罪,果條友係知道法律後果嘅情況蓄意去做,唔會搵借口賴三賴四。

    如果真係有人得閒到告價真棧,要求索償,我想睇果些商戶有乜藉口為自己辯解。

  13. 「處理現金本身,搵人排隊,本身都有成本。」
    麻煩你下次講清楚係「搵人排隊入數」
    老老實實,除非只准用電子貨幣,否則幾多錢你都要入數(小公司就隔幾日先入架啦),呢D Labour Cost,我未聽講有公司要用戶支付入數費去補助番架囉。(信用卡逐單計、現金既話攤分每人都唔知有冇$0.01)

    如果我咁都要俾你鬧係膠人既,fine,你多我一個訂戶唔多。順手公布、ban埋我IP我都唔拘。
    不過如果可以解釋到點解我就明明冇使用信用卡服務都要俾多D,就最好啦。

    祝安好。

  14. 你知道入數係幾咁痛苦,同埋入數唔係奉旨免費,你一堆散銀送入去,銀行有權收你手續費,你估0.01咁少,否則唔會依家好多商戶都加八達通機。

    同埋,我要丙係違反合約精神問題,如果銀行同商戶之間合約,容許商戶自行收費,我唔會嘈呢個問題。

  15. 八達通機每月月費都$240啦,以100枚1蚊收$1手續費,你要有$24000既散紙入銀行先回番本,而我自己的經驗,零錢通常都係唔夠用(即係找贖散銀多於收到散銀)

    我知咩野係合約精神,但咁你認為有咩野可行既方案去解決我提出既矛盾?

    劃一定價,不收手續費後:
    1) 劃一加價彌補損失,由現金顧客補貼信用卡顧客
    2) 雖然原本只係微利,但既然用得信用卡機,店方應蝕本都照賣

    你認為2是正確的吧?那沒打緊,你有你的意見。

    (你唔一定需要回我的了,因為基本上我唔會再睇到呢篇文 祝文安)

  16. 覆笨蛋:
    當然係2,蝕本係因為商人打錯算盤所致。(下個月或下期咪唔好用囉)
    照你咁講,小公司請錯倒米伙計,都好應該加價補數啦?

  17. 其實,點解商戶有興趣搞信用卡最低消費,佢個理由係乜?我諗唔到點解,但係間間舖都有呢條規矩,我相信背後有一定經濟誘引。

    如果話,信用卡收charge,要轉嫁落消費者,OK。但係世澤兄個例子唔係話收charge,係要過200先畀用信用卡。呢個例子我唔明點解價真棧要咁做。

  18. > 信用咭同EPS就係免排隊

    呢點倒不然,在超級市場經常可以見到,用信用卡係慢過收現金的。
    (雖然之後公司處理現金要另外花時間)

    所以先會設左某D隊只收現金(尤其少額購買)。

  19. 回笨蛋:
    好簡單o者,如果閣下咁唔滿意用現金係變相畀多o左o既,咪轉埋去用信用咭咯
    依家擺明係商戶同發咭機構的合約問題。雖然即使商戶跟足合約做,到最後消費者都不會有所得益,但現時商戶違規卻是明顯的事實。

  20. 本人只得中五Econ常識, ….

    香港係自由經濟巿埸主導, 價格係由供求決定.
    唔係話為左補番條數就可以隨便加價.
    奸商係有加價的權利, 但係加價會減少購買意慾, 有可能得不償失.
    所以0個個唔知咩笨本, 講野有D問題, 一講到要收費就即刻將所有收費100%立入標價裏面, 有無諗過, 如果真係唔俾收額外收費, 可能有一部份係由奸商自己硬食, 另一部份先係反影係標價上.

    另外, 亦唔好亂用”消費者權益”, 可以用最底的價錢買到自己想要的野並唔係”消費者權益”…
    你要買平貨, 咪行多兩間鋪去搵囉, 亂up 24…

    讀死書就係我呢種….謝謝.

  21. To 中五Econ Only:

    原來自由經濟可以代表連民事法律都唔理,自由經濟的精神係尊重合約精神同權利。

    中國人最叻係雙重標準,有利自己就合約精神,無利自己就自由經濟,你呢挺奸商唔係死讀書,你果啲叫你講晒。

發表迴響

你的電子郵件位址並不會被公開。 必要欄位標記為 *