一黨專政-min

嗌結束 一黨專政 都要DQ?譚耀宗果然係垃圾

曾經有人講過,全中國最垃圾嘅共產黨人喺晒香港土共。當然好多人都知土共係垃圾,但點樣最垃圾,譚耀宗夠薑講嗌結束 一黨專政 都要DQ,我唔知習近平點睇呢啲忘記初心嘅仆街。但讀過中共黨史嘅,都知譚耀宗呢句嘢,反映佢有幾咁白痴。

抨擊 一黨專政 始於新華日報

司徒華當年揀結束 一黨專政 作為口號,係有佢歷史背景,簡單嚟講係明玩共產黨,因為 一黨專政 呢個講法,係典出1946年中共宣傳刊物《新華日報》嘅社論,原標題係一黨獨裁,遍地是災,而以下呢句用嚟鬧國民黨嘅口號,就係司徒華用嚟鬧中共 一黨專政 嘅來源嚟。

國民黨一黨專政的政府,一面否認經濟危機之存在;一面對救災則完全依靠外國,本身卻什麼也不做,這種不負責任的態度,是不可饒恕的罪惡。人民沒有事實證明政府是真能為人民的,救災如救火,決不是拖延敷衍所能混過。

而新華日報嘅社論,又係依據1945年中共七大毛澤東嘅政治報告寫出嚟

一黨專政 已經喪失人心,威信掃地,在中國已經沒有一個還敢說 一黨專政 有什麼好處。

係司徒華呢啲有深厚中共黨史知識,並且係資深中共黨員,至會咁樣玩到你中共陀陀令,所以中國共產黨至今都唔敢DQ高叫結束 一黨專政 嘅候選人,就係怕呢啲臭史揚晒出嚟。點解中共仲要保留果啲民主花瓶嘅民主黨派,原理都係一樣,因為中共靠高叫反對 一黨專政 起家,所以中共同東德係玩同一技倆,東德就俾喺威瑪民主年代有嘅政黨可以喺東德登記,所以東德都有CDU做花瓶黨,同樣,中國有所謂民主黨派,仲有中國國民黨革命委員會添,都係因為中共玩反對 一黨專政 起家,中共係一定唔認自己 一黨專政 ,所以中共係自稱係中國共產黨領導的多黨合作制,呢啲全部有黨史可以跟。

所以呢次譚耀宗係食咗誠實食沙包,佢篤爆咗中共係 一黨專政 嘅真相,如果正常嚟講,譚耀宗被人拖去秦城監獄槍斃埋,都未到班泛民議員被DQ,當然依家習近平連稱帝都夠膽死,咁中共仲有乜事可以夠膽做,呢個大家都係唔知嘅。係香港班土共嘅水平去到邊,呢個大家都心中有數,有唔少熟悉黨史嘅人,都唔會與中共為伍,更加唔好講香港土共,香港呢班土共,除咗係恐怖分子同地痞流氓,我睇唔到佢地仲有第二啲嘢,大家可以明點解佢地咁熱衷買假學歷。

發表迴響

你的電子郵件位址並不會被公開。 必要欄位標記為 *