毛記葵涌-min

毛記葵涌 與香港天線

毛記葵涌 (亦即係100毛)上市,一間咁前景不明嘅公司,竟然有成幾千倍超額認購,我真係對香港炒股票呢家嘢識條鐵。我懷疑入飛 毛記葵涌 果啲,有無睇過毛記電視都唔知,正常投資者會對呢啲股票避之則吉。只不過,呢個只不過反映證監會無能,以及香港股市根本係炒味濃郁

毛記葵涌 個獨立執行董事睇完,飽晒

我睇股市呢家嘢,依家呢啲出奇出現大量孖展認購嘅股票,我一定睇獨立非執行董事乜水,一如謎網啲公司,果啲獨立非執行董事係互有關連一樣,你睇林夕以外果啲獨立非執行董事嘅身份,正宗鱷魚潭嚟,你敢買我堅祝你好運。

何光宇先生,32歲,於2018年3月2日獲委任為本公司獨立非執行董事。2015年5月至2017年4月,彼在中國創意控股有限公司(股份代號:8368)擔任財務 總監兼公司秘書,負責會計、財務管理及公司秘書事宜。彼自2017年4月起加入恆宇集 團控股有限公司(股份代號:2448),擔任公司秘書兼財務總監,主要負責財務事宜及公司秘書事宜的整體管理。

梁廷育先生,43歲,於2018年3月2日獲委任為本公司獨立非執行董事。梁先生亦 為提名委員會及薪酬委員會主席。2010年5月至2012年10月,彼 擔任中國三三傳媒集團有限公司(股份代號:8087)財務總監。2012年10月至2015年2 月,彼擔任正美豐業汽車玻璃服務有限公司(股份代號:8135)財務總監兼公司秘書, 主要負責財務管理、成本會計及財務。2015年9月至2016年10月,彼擔任創徽國際控股 有限公司財務總監。彼自2017年3月起加盟東塑集團有限公司擔任財務總監。
梁先生分別自2009年9月及2016年5月起擔任延長石油國際有限公司(股份代號: 346)及互娛中國文化科技投資有限公司(股份代號:8081)獨立非執行董事。

而包銷商係中國北方證券集團有限公司,同埋致富證券有限公司,你見到咁嘅牌頭,呢啲係財毀會候選股票嚟,咁多人鍾意毀滅自己嘅財富,不如你like咗財毀會算吧。

作為一個郁Facebook郁到去歐盟嘅方丈,我諗Facebook亂嚟對NewsFeed嘅影響,點影響 毛記葵涌 業續,我唔再多口水,大家睇以下兩篇文。

https://martinoei.com/article/17980/100%e6%af%9b-%e6%9c%89%e7%84%a1%e5%8f%af%e8%83%bd%e5%9b%9e%e5%be%a9%e5%8e%9f%e6%9c%ac%e5%98%85%e7%9b%88%e5%88%a9%ef%bc%9f

https://martinoei.com/article/17566/facebook-%e4%ba%82%e6%94%b9%e6%bc%94%e7%ae%97%e6%b3%95%e5%ae%b3%e6%ad%bb%e5%aa%92%e9%ab%94

我結論只會係 毛記葵涌 隨時變香港天線,呢啲堅係凶兆。

發表迴響

你的電子郵件位址並不會被公開。 必要欄位標記為 *