終審法院-min

美國法官擔任 終審法院 法官中國會贊成?

投咗共好耐無乜搞作嘅湯家驊,突然爆響口話鄭若驊有意邀請美國法官擔任 終審法院 普通法適用地區非常任大法官,我唔知呢個消息堅定流,但如果堅請美國法官出手,我相信對香港憲政有好大影響,我睇唔到中國有可能接受呢個咁刺激嘅建議。

美國法官做 終審法院 法官一定對政府辣到無倫

當然,做得 終審法院 法官至少要係聯邦最高法院或聯邦巡迴上訴法院果個級別至夠稱,美國法官解釋美國憲法,特別民權有關法律一般無咁保守,英國反而係保守得多,請美國法官做 終審法院 法官結果,就係香港基本法嘅解釋比起依家更捍衛民權,呢個係以往我喺大學跟Michael Davis 讀美國憲法果陣嘅理解,屆時黑警好多官員隨時輸到當底褲都似,所以王振民對呢件事居然無反應,我個人係唔相信,因為呢個唔係正常嘅玩法嚟,亦有違我一貫以嚟對中國人嘅認識,佢地千方百計要趕走外國法官,依家要搵美國法官坐喺 終審法院 ,邊有咁大隻蛤乸隨街跳至得,呢件事我相信要律政司司長親自出嚟發表聲明,至可以作實,雖然湯家驊都係行政會議成員,某程度上,佢係可以喺集體負責制嘅前提下,代表政府發表意見。

但既然請得美國法官做 終審法院 非常任大法官,咁不如請埋坐過歐洲人權法院嘅法官,至少出身自普通法地區嘅歐洲人權法院坐喺度,反正近年都引咗唔少歐洲人權法院嘅案例喺香港 終審法院 度,變相令部分歐洲人權法院嘅案例間接適用於香港,咁樣 終審法院 嘅代表性可以進一步加強添,唔會一味只得英澳紐嘅法官坐喺度,問題都係果句,如果中國有心做,一早做咗,以依家中國同美國關係緊張成咁,呢個變相令美國插隻腳入香港嘅安排,習近平有乜理由會接受,我睇唔到成件事嘅理由。所以呢個十分之好嘅建議,並唔似符合香港嘅實情,甚至有啲怕係本身有美國律師資格嘅湯家驊一廂情願。

如果呢件事有可能成真,咁呢隻政治炸彈非比尋常,因為呢件事實際上,得Hong Kong is out,仲要獨立果隻至可能發生,咁如果中國準備Hong Kong is out又唔俾香港歸英,呢挺假獨立仲得人驚,大家諗清楚。

發表迴響

你的電子郵件位址並不會被公開。 必要欄位標記為 *