黎明-公關-min

黎明 嘅公關技巧係點練出嚟

在港印尼華人爛gag界天王(佢啲爛gag,可能搵我們啲長輩至有可能一拼,或者搵區諾軒同佢鬥至得,佢啲金句⋯⋯) 黎明 ,藝高人膽大,喺六點半新聞時段宣布佢會做老豆(或者故意,因為一般traffic比較差),佢女助手個肚,佢係經手人。但依家好多人拍爛手掌,可能同郭富城設下太低嘅標準,做咗國貨城有關。但 黎明 呢次公關技巧,又一次完勝。但除咗 黎明 嘅爛gag天份之外,佢啲公關技巧,好可能係少數娛樂界中人,因為長期同娛樂版記者親自作戰而大有提升嘅人。

黎明 面對惡頂娛記

娛記係一種十分惡頂嘅物品,為求攞新聞不擇手段,而新聞嘅角度亦十分之市儈同惡毒,所以有富豪娶娛記為妻,我唔知係乜嘢道理同口味。而大部分明星,都係交俾經理人公司處理,但經理人公司好多啲公關都係麻麻過麻麻,甚至有啲自己做公關,只不過又要扮大枝嘢,結果咪俾娛記玩個半死收場。 黎明 自己做埋經理人公司,成日同娛樂記者前線交鋒,佢有交戰經驗多會總結,點都識應付呢班人間極品嘅,所以四大天王最識公關果個咪係佢,因為郭富城係交晒俾人做,劉德華又鍾意扮嘢,張學友一早行潛水路線, 黎明 識打好正路。

而 黎明 呢次係玩定向引爆,明知有娛記𥄫中佢另一半已經大咗肚,不如主動喺Facebook引爆,果啲interaction rate不如益吓自己好過,因為呢個消息好多shares and comments係會大大提升好耐無出post黎明專頁嘅engagement rate嘅,點解唔做。黎明話俾大家聽,喺呢個年代,定向引爆,唔只係自保手段,仲可以益自己social media嘅最佳方法,所以我相信 黎明 對social media嘅認知,係遠勝其他同年代嘅天王,只不過我都係果句,南洋華人年長後嘅學習力基本上唔會大跌,唔會好似香港人一上年紀就變廢老,乜嘢新嘢都唔接受同唔學,李光耀晚年都會學電腦, 黎明 去到五十一歲仲搞得大人個肚,咁佢學到social media營運之道又有乜好奇怪嘅呢,你話係唔係。

One thought on “黎明 嘅公關技巧係點練出嚟

發表迴響

你的電子郵件位址並不會被公開。 必要欄位標記為 *