何柱國-min

何柱國 炮轟董建華與分贓不均

何柱國 雖然係一件仆街,但照計呢件仆街唔會咁得閒炮轟董建華,但據聞因為董建華插隻腳搞網媒,所以搞到 何柱國 好唔高興,要炮轟佢。照計,以香港網絡嘅廣告收入計,董建華搞網媒係應該無乜殺傷力,有鬼人click佢咩。只不過,如果呢個涉及維穩費嘅分贓,就另作別論。

何柱國 爆咗親共傳媒點生存

如果係正常嘅網絡廣告維生,照計呢啲親共網媒一早執笠,邊個傻佬click你啲垃圾內容睇,當content farm做都咁話喇,以 何柱國 嘅身家,佢根本唔志在呢啲錢喇,駛鬼為雞碎咁多錢嚟同董建華拗咩,我呢啲一介草民就話要靠呢啲雞碎咁多嘅廣告維持收入。但實情係,好多靠維穩費維生嘅傳媒,果啲廣告係嚟自北京用唔合理嘅價錢買,而佢買幾多,就係你由維穩費裡面分到幾多,依家董建華想問 何柱國 攞免費內容兼且仲要用嚟向北京邀功瓜分維穩費,假如你係 何柱國 又會點睇,梗係一係要老董出手買咗佢間星島新聞集團,佢唔玩呢個遊戲,一係就要董建華行開,唔係爭飯食。所以 何柱國 向董建華公開開火,為嘅係果舊大茶飯,而唔係果啲雞碎咁多嘅正常網絡廣告,以依家中國啲五毛係咁flood個Adsense,網絡廣告要賺錢真係好艱難吓,因為啲廣告根本唔係讀者想要睇嘅嘢,趕客就有份。

所以呢個亦解釋到,點解依家啲投共網媒,點解可以肉搏到咁,唔係精神分裂嗌住本土賣屎忽俾老共仲要唔認,就係登埋啲不明來歷作者文章仲要扮晒魚蝦蟹,無他嘅,依家呢班友服務嘅讀者得一個,就係習近平,唔肉麻啲擦鞋點搵到大錢,所以呢啲網媒嘅收入模式個個都唔正常,只有一個解釋,因為佢地係靠中共維穩費嚟賺錢,中共要開到條數有幾大咪有幾大囉,呢啲大茶飯,我呢啲不識時務嘅友仔,識條鐵咩。

支爆在即,中國啲維穩費個池將會越嚟越細,但多咗人會以為好好搵過嚟爭食,屆時類似狗咬狗一嘴毛嘅情景將會越嚟越多,遲吓如果成班共狗,新舊老嫩共狗嚟個大亂鬥,真係咬到成個香港都係毛,隨時好睇過麥當勞深夜肌肉佬大戰醉酒佬嘅真人街頭MMA。

發表迴響

你的電子郵件位址並不會被公開。 必要欄位標記為 *