偽鈔-min

偽鈔 橫行與支爆

呢排香港啲 偽鈔 怪事越嚟越層出不窮,先有人用淘寶淘返嚟嘅練功券嚟當 偽鈔 喺香港駛,跟住就出現有便利店找一百蚊 偽鈔 ,呢啲 偽鈔 事件突然間咁多,其實都係一種支爆嘅訊號嚟,大家要小心提防就係,遇有懷疑都要報警或交銀行處理。

喺支爆下 偽鈔 潮

根據正常嘅 偽鈔 經濟學,一定係印最大面額嘅 偽鈔 出街,因為咁樣可以用最低成本,呃到最多嘅真銀紙返嚟。但依家有幾種詭異現象,

  1. 依家中國人民幣嘅練功券,都改晒只印有銀行名嘅所謂道具銀紙,唔會再照人民幣真實樣貌印上去,但其他外幣,包括港幣依然幾可亂真咁印,而淘寶依舊有得賣,係唔係阿里巴巴以至練功券嘅商人,根本係有人授意下做,目的就係呃啲真嘅外匯鈔票返嚟,呢種做法,其實已經係變相戰爭行為,證明中國無錢兼想擾亂金融秩序
  2. 依家啲 偽鈔 係經便利店等途徑咁找出去,係唔係有個別便利店嘅特許經營者,收到指示或錢要做呢啲嘢,因為咁樣都係一種呃錢嘅方法,十分之恐怖。或者有個別銀行,根本係滲啲 偽鈔 入去俾零售商啲銀紙度,連啲店員都唔知,如果唔係有人發現同一號碼銀紙,一早暪天過海。
  3. 依家啲 偽鈔 係搵啲唔會查清楚嘅小市民流出,依家發現到嘅個案好可能只係冰山一角,仲有更多個案根本無人發現,或者係 偽鈔 都唔知。而搵一百蚊或五百蚊落手,好可能因為正常呢兩款面額嘅銀紙係無人用紫外光燈認真查驗係唔係真銀紙,一般嚟講,一千蚊係一定會照紫外光燈,好容易穿崩。

中國係一個黑洞嚟,睇落好有錢,但由海航、樂視等一連串問題可以睇到,呢個國家根本係出咗事,支爆唔係笑話,而係發生緊,幾時去到最高潮炒鑊甘大爆發咁解。當出現呢種情況,小心 偽鈔 根本係常識,唔好搞到全香港市民都要攞部手提紫外光燈機出街。

當然咁多 偽鈔 ,支付寶呢啲牛鬼蛇神一定出嚟呃香港人去用,千祈唔好,應該迫銀行將香港啲提款卡轉晒做Contactless Visa Debit Card 或 Contactless Mastercard Debit Card。依家香港啲銀行堅拒跟國際做法,我堅唔明點解囉。

發表迴響

你的電子郵件位址並不會被公開。 必要欄位標記為 *