南斯拉夫解體-min

南斯拉夫解體 :中國同大馬嘅結局

喺習近平登基,同埋納吉暴走後,馬來西亞同中國嘅命運一定係瓦解,係點瓦解,而且唔會係蘇聯式和平分手,蘇聯佬係捉棋民族,仲知乜叫戰略,大馬同中國識條鐵咩。有人話中國係走向法國大革命式瓦解,但我睇係更差果隻, 南斯拉夫解體 果隻。

南斯拉夫解體 有幾差

好多人話中國或馬來西亞會蘇聯式解體,蘇聯式解體基本上唔大血腥,算得上和平分手,呢個其實對各方都好,問題,一定係主導果個種族有呢個智慧,當然俄羅斯加盟共和國嘅主席好幸運係葉利欽,佢對統治埋其餘果堆亂七八糟嘅加盟共和國都無興趣,所以無事。而南斯拉夫主導果個民族叫塞爾維亞,呢班友一直都黐線想食埋隔離果份,所以 南斯拉夫解體 係十分之血腥,克羅地亞人同塞爾維亞人打到黐咗線亦係咁解。

南斯拉夫解體 點解斯洛文尼亞果場獨立戰爭最和平,只係係咁打咗一吓就無事,有人話因為斯洛文尼亞人塞族人唔多,呢個唔係理由,其實最大理由係斯洛文尼亞邊境同意大利以及奧地利接壤,如果塞爾維亞亂嚟一定引嚟美國同歐盟干預,一啲著數都無(雖然最終都係北約出兵),所以塞爾維亞人由得斯洛文尼亞人走,搞掂克羅地亞呢個老仇家,同埋波斯尼亞呢班喺佢地眼中好蝦嘅友仔先講。

如果照呢個道理,我會建議大家盡量同盡快renew BNO,或者任何西方國家護照,基於呢個投鼠忌器原理,有外國介入香港就會喺 南斯拉夫解體 下安全,台灣因為有完整軍隊,未必敢出兵,如果國家大分裂個戰略思考係唔同,所以我認為台灣應該恢復兵役制。但廣東、福建、上海就隨時陷入大亂鬥,更加唔好講西藏同東突,呢個時勢,有西方國家身份係一個保命符,所以果啲叫人唔好renew BNO嘅大中華膠我一律認為係仆街。同樣道理,如果馬來西亞分裂解體,柔佛係安全,有完整澳洲、英國同新加坡駐守嘅檳城都安全,東馬都會安全,因為無人想招惹印尼干預或者駐汶萊英軍出手,但其他地方,我真係有啲無眼睇。

大家以為唔會有 南斯拉夫解體 果隻大亂鬥?咪玩喇,越集權嘅結果係散起嚟越黐線,習近平稱帝只不過係支爆嘅一部分。

One thought on “南斯拉夫解體 :中國同大馬嘅結局

  1. 好多中國「學者」睇蘇聯解體,得到既唯一「教訓」就係「蘇聯佬按種族劃分共和國搞邦聯制會導致分裂」,但就睇唔到喺一個多民族既帝國中,按種族分裂都總好過死攬一齊然後打餐死。(當然俄裔遷入各加盟共和國又引起獨立後的其他問題)

    就正如中共消滅左整個中國基層既公民社會,令所有人都要依賴政權,其實唔會令到政權長生不死,只會令政權死亡時全國大亂而已。(中共想借這種大亂的恐懼令人民依賴自己,並不代表政權就不會倒台。)

發表迴響

你的電子郵件位址並不會被公開。 必要欄位標記為 *