王弼-min

王弼 請收起你個臭口

作為右派兼自由經濟支持者,我本來唔想鬧爆 王弼 ,雖然呢條友啲作風我一早不敢恭維。但 王弼 喺城市論壇果句膠爆言論後,佢嘅言論簡直危害香港公共安全,我作為右派都要講, 王弼 收起你把臭口,你唔出聲無人話你啞,累街坊行去第二道喇,仆街。

王弼 把臭口有乜問題

王弼 激起我火滾嘅話,係呢句嘢,我作為一個德國小商人,係絕不認同

「如果跟李卓人咁就一世都係工人」

喺德國,你試吓講句嘢,一係被人恥笑,一係被人鬧爆,唔係因為德國係一個左膠國家,而係德國受過技術訓練嘅工人,例如受過一定訓練嘅垃圾佬,佢地收入係高過啲白領,點解要咁做,你睇德國條街咁乾淨咪明,如果工人唔係都可以賺到錢,受尊重,咁你等啲電梯壞晒,條街都係垃圾同小強,萬般皆下等,唯有炒樓高,根本係無腦嘅人至講得出嘅講法。

新加坡呢幾年出咗好多膠事,新加坡呢幾年嘅電梯安全同可靠度,簡直係被人鬧爆嘅級數,咁點解呢,因為電梯工人唔受尊重,薪水低,呢啲社會嘅齒輪出事,就一定怪事不斷。所以我對香港基層果啲出賣民主,唔肯反抗愚昧行為極不滿,對李卓人呢啲左膠政客,我都無乜好感,但我都係叫 王弼 條友收起你把臭口,因為鄙視工人嘅結果,就係成個社會運作會出好多層出不窮嘅問題,我喺九巴大車禍後已經寫過一次。

而對相信自由經濟嘅人,最衰嘅左膠,未到李卓人,最衰嘅左膠係幫啲人唔做嘢做伸手黨果啲,如果一個社會充分尊重工人,除咗因肢體或家庭因素做唔到嘢果啲人,其實無乜藉口伸手問政府攞福利,你依家 王弼 呢種人,根本係左膠嘅最佳助戰員,大家比吓歐洲國家就知,最尊重工人其中一個國家係德國,所以德國依家可以向福利唔會太多,平衡預算嘅方向進發,德國人唔係懶,但英國喎,英國果個階級社會,搞出唔少白種人都做伸手黨,奉旨生一大堆,又教唔好,但Workfare有無用,無用喇,英國咁唔尊重工人嘅社會,又無工業(工業俾戴卓爾夫人賣X晒),伸手黨當道,否則點會搞到BREXIT由EU人做嘅職位竟然無人填補咁膠嘅危機至得。

王弼 呢啲豬隊友,我只能選擇公開鬧爆佢。

One thought on “王弼 請收起你個臭口

發表迴響

你的電子郵件位址並不會被公開。 必要欄位標記為 *