聯合航空-min-2

聯合航空 幾時至膠完

聯合航空 上次亂打越南裔乘客事件形象嚴重受挫後,最鍾意喺MBA坐講case study嘅美國佬,究竟有無令 聯合航空 變成一間正常嘅航空公司,我覺得基本上係無,因為連續兩單同狗有關嘅事,先有整死狗,後有送錯狗去日本,成間公司退聯到爆。

聯合航空 點解可以咁退聯

本來 聯合航空 行李寄艙係一個近乎賭博嘅經驗,你啲行李延誤或送錯係時有發生,係好多廉航嘅可靠性都明顯好過 聯合航空 ,所以隻狗送錯係日本我一啲都唔意外,呢間公司嘅送錯行李事件,係近乎無可解釋。 聯合航空 嘅電腦系統,以至行李處理人員嘅訓練同管理好明顯都係退聯級,啲友仔得過且過亂嚟,個電腦系統亦無法確切追蹤每一件行李嘅下落就會咁,所以我一早去美國如無必要都唔會坐 聯合航空 亦係呢個理由,特別係內陸線。因為全世界都一樣,內陸線係超級無錢賺,幾乎全美國啲內陸線都係搞到同廉航一樣,喺911後尤其係,佢嘅競爭對手 American Airlines 都唔好得好多就係。

只不過, 聯合航空 更大問題係管理層個腦有問題,喺三月五日, 聯合航空 公布一項我只能用黐X線嚟形容嘅計劃,就係用抽獎俾啲獎品你,取代花紅,你老母,咁玩法你叫員工有心機做嘢,所以 聯合航空 啲空姐空少夠薑叫乘客放狗上hand carry 行李果啲密封櫃最後焗死咗,我理解得到,因為 聯合航空 啲管理層都唔當員工係人,咁員工咪唔當乘客啲寵物係生命,以極其馬虎嘅態度應對,成間公司都出現呢啲黐X線文化,我可能講,你要帶狗上飛機就咪坐 聯合航空 ,因為呢啲膠事唔會係最後一單,只會陸續有嚟,一單離譜過一單,你帶寵物上飛機揀 聯合航空 ,等於你攞你自己隻寵物條命去賭,實情就係咁恐怖。

我以往去美國,如果由亞洲地區出發,一般都係坐大韓或者ANA,原因都係咁,無錯要轉機,但至少你行李係安全,啲餐飲係正常,座位相對寬闊,如果喺歐洲地區出發,你揀番歐洲啲航空公司好,雖然有啲都開始好鬼退聯,但一定無人輸俾 聯合航空 。我睇 聯合航空 幾時又搞到要file Chapter 11,呢啲管理層個腦有事嘅公司,遲早問題。

發表迴響

你的電子郵件位址並不會被公開。 必要欄位標記為 *