寬頻

寬頻 有問題:澳洲與德國IT人嘅頭痛問題

對香港人嚟講,光纖入屋係基本過唔基本嘅 寬頻 要求,村屋用30Mbps VDSL唔已經被人媽足全家。只不過呢個世界有兩個IT技術強橫嘅國家,就佢地啲IT人日日面對一個好退聯嘅 寬頻 網絡,一個叫澳洲,一個叫德國。

寬頻 VDSL 係搞唔掂

先講我住緊嘅德國,德國電信嘅技術水平係無庸置疑,甚至防賊能力都係,只不過德國電信嘅基建,係全德國媽爆,係媽到上國會大選議題,因為德國我呢啲住緊係大城市,市中心嘅人,都係得VDSL 寬頻,任何 DSL 網絡都有一個問題,就係upload 果陣會拖慢 download ,同埋 50Mbps 嘅下載速度係完全唔符合依家網絡嘅需求,我已經醒水,無將電視塞埋入去,如果將電視塞埋入去嘅友仔,睇果陣唔媽到七彩就奇。而Telekom嘅LTE網絡有時表現好過VDSL好多,但問題係按量計錢,同埋,如果你坐過ICE就知,好多地區得3G甚至無接收,同比利時、法國呢啲實現晒郊區都有足夠LTE接收好唔同,所以默克爾政府如果唔搞掂呢個問題,佢個政府好快會被當地IT界媽到想死。無錯,德國嘅基建好靚,但唔係入屋果程囉。

只不過澳洲似乎係死症中死症,因為澳洲幅員廣大,人口太稀疏,住郊區如果依賴LTE都未必得,或者我見過有人要喺屋頂添置超強力天線,去確保佢嘅LTE接收,我以前住村屋,都研究過澳洲嘅技術,甚至諗過喺澳洲引進設備解決鄉郊死角位問題。但可能更大問題係,Telstra嘅服務態度問題無人吹得佢漲,德國都話Telekom要面對一個十分之進取嘅英國Vodafone競爭,仲有 1 und 1 之類公司喺度搞平價 VDSL 寬頻 ,澳洲係無人同你咁玩。(雖然大部分德國人都會揀Telekom,呢個係可靠度嘅問題)。當然,呢啲要政府介入先得,正如德國都要政府介入一樣。

當然香港啲internet都欺客,香港話有100Mbps好多時都無100Mbps,但德國嘅50Mbps基本上係足料,呢個係基建問題喇,香港最後一里係好靚嘅,只不過個基建呢,我個人真係不敢恭維囉,某程度上。

發表迴響

你的電子郵件位址並不會被公開。 必要欄位標記為 *