100毛-Facebook-演算法-min

100毛 有無可能回復原本嘅盈利?

100毛 上市,好多人都問入唔入得過,你要決定投唔投資 100毛 ,最好先了解Facebook亂改運算方式,對做Facebook Page嘅人喺Pageviews上嘅損害,我暫時睇唔到,香港有其他公司可以抵受到呢次衝擊。

100毛 有無橋挽回大局?

100毛-Facebook-演算法-min
100毛-Facebook-演算法-min

呢個係我呢度嘅Google Analytics嘅數據,喺Facebook未亂改運算法前,我呢度嘅Pageviews每月大概230,000左右,但喺Facebook亂改運算法後就開始急跌,直至上個月中我喺Facebook嘅要求下將Page改為德國公司控制,至開始有改善,呢個月唔用FBIA後,由於Google派traffic,同埋替代Social Media已經有基本盤,所以呢個月嘅Pageviews總數,已經係二月總和。

香港大部分公司嘅Page,包括 100毛 都未做公司化安排,改由Business Manager管理,再加上 100毛 現時係無替代Social Media,我呢度有Google+、有Twitter、有TeleGram ,但 100毛 係乜都無,佢個Server嘅SEO亦都十分之一般,請問 100毛 又可以點返去原有嘅Traffic水平,以及收入水平,呢個對好多識SEO或Social Media嘅人嚟講,係一大疑問,因為以我對其他Facebook Page嘅Admin嘅認知,佢地對Facebook亂改運算法嘅衝擊係一籌莫展,因為Facebook大中華根本唔肯提供應有嘅支援,如果唔係我已經遷冊德國,並且成為一間德國-美國聯合運作嘅公司,我諗我都係同其他香港網站一樣,被動地等死,或者學有啲網媒,將個屎忽善價而沽至得。

所以 100毛 買唔買得過,我十分之有疑問,因為管理層係未交代過佢地可以點樣改善成盤營運,畢竟 100毛 係一盤太過依賴Facebook嘅生意,咁樣遲早會死。我唔係上市公司都要開拓新收入來源(例如零售,例如賣文), 100毛 班友我真係想知佢地想點。

One thought on “100毛 有無可能回復原本嘅盈利?

發表迴響

你的電子郵件位址並不會被公開。 必要欄位標記為 *