李嘉誠-min

李嘉誠 宣布退休:大家都係時候走

李嘉誠 喺今年業績公布會上宣布退休,呢個消息都幾震撼,雖然有一陣南洋風味,就係留任公司顧問(大家諗住李光耀交棒點交嘅),但 李嘉誠 呢種人,正常嚟講係做到死果日至係,佢依家喺健康唔似有大問題情況下宣布退休,大家應該知有事發生。

李嘉誠 撤退計劃大致完成

李嘉誠 係依家呢一刻都扮到係親中,但實際唔係果回事,否則佢唔會大舉投資歐洲,兼且獲批,而且我好相信 李嘉誠 實際上有袋住本EU Passport,因為Non-EU National 或 Company 要喺EU買咁多公司都係十分之麻煩嘅事,否則BREXIT都唔會搞到英國商界總體上係牙痛咁聲。 李嘉誠 依家連汕頭大學榮譽主席都唔要,交俾李澤楷做,即係意味住,佢個人都會撤出香港,佢隨時喺歐洲嘅時間多過香港都唔奇,佢用李嘉誠基金會名義去做呢件事,無人吹得佢漲嘅。 李嘉誠 講果句,我可以隨時去旅行,後面係話中有話嘅,佢對中國嘅前景,以至香港嘅前景點睇,其實大家心中有數,唔駛多講㗎喇。

你未必贊同 李嘉誠 喺香港嘅做生意態度(佢喺德國反而係okay,Rossmann啲嘢一般會減得平過DM),只不過,佢做每一步都係經常仔細推敲同研究至出手,而且部署靜雞雞,大家諗吓佢用咗幾多時間將中國業務大致撤離,並且將資金搬到一街都係平資產嘅歐盟,所以 李嘉誠 真係狠下決心,連汕頭大學榮譽主席都唔做果陣,你知大勢已去,隨時呢個決定係同習近平稱帝有關,既然誠哥都已經走人,點解你仲要眷戀香港嘅資產?所以都係果句,喺香港嘅資產,係時候按步就班咁沽俾班接火棒嘅中國人(如果佢地仲有錢嘅話),然後攞住你本BNO或者其他國家護照走人算數,無謂就支爆前夕困獸鬥,呢樣嘢係一啲都唔好玩嘅。

喺國共大戰果陣,有唔少上海人都無意識到中共入城就等同玩完,無撤離到香港,結果當然係家破人亡嘅錯誤,香港人叫運氣唔錯,有廿年時間借番嚟撤退,兼且英國留低咗本護照做暗門,如果依家有機會撤退仲唔撤退,支爆係乜都可以發生,你就後悔莫及。好多嘢,跟誠哥無衰嘅。

發表迴響

你的電子郵件位址並不會被公開。 必要欄位標記為 *