警槍-min

醉酒佬都可以搶 警槍 ,香港警察執咗佢

警槍 被搶,其實未必係新聞,因為如果對住一個食過吓夜粥,而立心搶 警槍 嘅人,係有可能發生。只不過,香港有單醉酒佬可以搶到 警槍 ,仲要開埋有人受傷,咁我覺得呢單嘢真係充分反映香港警察只係一班唔受過專業訓練嘅有牌爛仔,不如執咗佢。

警槍 點可以俾醉酒佬搶咗仲開埋

雖然被搶 警槍 果位係新紮師兄,但如果係咁,係唔係代表依家黃竹坑警察訓練學校嘅訓練十分之有問題,係唔係應該捉警校校長出嚟照肺,大佬,你學堂嘅防搶槍訓練同考試流㗎,咁都得,堅驚。仲要點三八都唔係話可以fire就fire,點解可以醉酒佬搶埋槍fire埋都得,成件事匪夷所思,係唔係警察只係顧住搞政治教育,呢啲應該做嘅專業嘢就無做好,咁唔出事就出奇喇,香港人行街堅心驚驚。

跟住如果係槍袋老化有問題,咁仲衰,我想問,依家你呢班差佬點做後勤管理,原來啲equipment得唔得係無人檢查,無人定期替換啲嘢,咁就可以派出去,唔X係嘛,呢次係新紮師兄嘅槍袋,照計應該係派一套新,或者做咗檢查同維修至俾果位阿Sir,依家可以咁搶槍都得,成件事真係黐線到極點,香港警察呢啲裝備後勤水平,遇到和理非非嘅泛民示威者就好似惡晒,遇正堅係食大茶飯嘅恐怖分子,你班友唔死傷枕藉就出奇,真係完全挑戰常識,我真係睇完想爆粗,問候呢班警隊管理人員。

點解依家香港人叫警察做黑警,除咗因為鎮壓人民不得人心之外,依家唔係休班警、當更警鬥犯法數字多,就係出現呢啲膠到無朋友嘅搶 警槍 仲要open埋嘅事件,呢啲係專業執法部門?呢啲不如叫有牌爛仔算,仲話要立辱警罪用枝槍迫市民尊敬你班所謂阿Sir,點尊敬得落呀。我只係睇班一枝紀律渙散,管理混亂,純粹為政權做打手,欺善怕惡嘅仆街喺度,咁香港市民堅係有理由要求警隊執咗佢。葛珮帆件仆街假博士仲好意思扮晒熱心探望果位警員,依家我未知open fire事件調查結果,但果位阿Sir好大機會係file花晒,仲話希望唔影響到佢工作,呢啲警員,講句難聽啲,唔即時革扯已經偷笑。

One thought on “醉酒佬都可以搶 警槍 ,香港警察執咗佢

  1. 真奇怪的事,防搶鎗設計及防搶訓練均失效,現場非單對單,真失敗,會笑死其他國家/地區之警察,可申請列入健力士。

發表迴響

你的電子郵件位址並不會被公開。 必要欄位標記為 *