失去的勝利-min

失去的勝利 :由姚松炎選戰睇華人問題

姚松炎九西之敗,毫無疑問係一場 失去的勝利 ,但如果話因為中聯辦用緊大數據,而唔駛討論呢場每一個細節嘅成敗得失,我有保留。我係鍾意睇軍事書,睇好多日本、德國嘅戰史書,特別德國將領檢討成敗得失嘅書,但呢啲嘢,喺華人社會我一本都無見過。

尋回 失去的勝利

失去的勝利 (Verlorene Siege) ,係納粹德國三名將之一嘅曼斯坦因寫嘅回憶錄,曼斯坦因就係諗出通過阿曼山谷駛坦克車上去果條賭撚,然後古德林幫佢執行。林忌都推介過唔少呢本書,呢啲戰爭檢討嘅書籍,其實係好有必要,甚至應該寫出嚟,因為呢啲書籍記錄,係可以阻止日後嘅指揮官重覆犯錯。依家問題係,泛民知道自己面對有龐大資源嘅專業對手(雖然我有保留),但心態係周末革命家嘅心態打仗,呢個唔死都無用。如果中聯辦係咁勁,就唔會無法阻擋范國威同張秀賢喺多個沙田城鎮嘅攻勢,以及區諾軒解放多個土共城鎮,特別有象徵意義嘅堅摩、西環、錦屏、堡壘等城鎮。

當然依家由黃之鋒、羅冠聰等人嘅問題,其實已經直接係失去的勝利,以至古德林回憶錄講,係主帥有問題, 失去的勝利 嘅第十一章,尤其值得睇,希特拉所犯作為一個統帥嘅低能問題,喺泛民身上幾乎犯一次,我攞中文譯本呢一段,大家睇吓係唔係似曾相識

戰略毫無疑問應該是政治領袖手中的一個工具,但是他卻決不應忽視一個基本事實。在任何戰爭中,戰略的目標都是擊碎敵方的軍事防禦力量,只有確保了勝利後,才能實現政治和經濟的目標。

但班左膠,同希特拉問題一樣,倒轉嚟玩,佢地以為自己贏硬,然後唔理勝利是否確保都將左膠嘅倒米議題,甚至手法灌注其中,希特拉衰嘅嘢,呢班周末革命黨完全一樣,堅係唔輸都難。成班無實用主義思維嘅人,學人去打仗,真係唔打出災難出嚟,我睇都幾難。

泛民嘅問題,其實大家睇 失去的勝利 第十一章睇晒出嚟,我懷疑如果有泛民戰將用真名寫番晒啲實況,我睇怕情況對呢班自殺派更災難性。謙卑咁聽人講,唔會係壞事,正如曼斯坦因喺二次大戰後,係英美主動搵佢出山做現代德軍嘅顧問,古德林可惜早死,寫完回憶錄就去咗,但佢個仔都喺德國陸軍作出重大貢獻。華人唔寫戰史,唔讀戰史,亂打仗,海軍對水兵係可以預期。

發表迴響

你的電子郵件位址並不會被公開。 必要欄位標記為 *