柯文哲-月票-min

柯文哲 式月票:其實德國都係咁玩

柯文哲 宣布同新北市政府合作,推出三百幾蚊港紙,台北-新北兩市任坐月票,搞到香港人流晒口水。其實 柯文哲 呢種市長,如果香港人接納佢係有亞氏保加症嘅口臭,佢其實執行力係十分之卓越,因為佢呢個做法有望消滅台北一街小綿羊。但 柯文哲 呢招唔係自己發明,其實成個德國,好多地方一早已經咁做,包括我住緊嘅NRW州。

柯文哲 式月票喺德國係常識

好似以下呢張圖,類似八達通咭咁嘅嘢,其實係月票至用NFC車飛,一般單程飛都係一張紙,然後再喺Ticket Automat 打時間。

柯文哲-月票-min
柯文哲-月票-min

呢張車飛五十四蚊歐羅,全市任坐,呢張係IHK會員飛,所以本身有IHK嘅額外補貼(香港總商會會唔會推出商會會員飛幫吓中小企,唔會囉),大概有九折額外折扣。喺德國嘅全市任坐,講緊係U-Bahn、S-Bahn、RE、電車、巴士五樣嘢任坐。所以喺德國,一般係遊客至計住計住啲車錢,當地係見車就上,因為基本上,大家都係坐任坐飛,駛鬼計車錢咩,嘥氣喇。

當然,呢種做法,有啲路線設計就唔好亂嚟,例如德國嘅巴士,唔會有類似2, 5B 呢類唔係特快站站停嘅線,一般巴士線,一係由一啲小鎮、或小區駁S-Bahn站,或U-Bahn站,一係就係飛Autobahn,直接去到某啲偏遠城鎮。而如果係由A區去B區,唔該你坐S-Bahn,如果去機場之類,唔該你搭RE算,一般RE就係一個城市一個城市咁坐,IC/EC/ICE就係一個大城一個大城咁坐,不過好似NRW呢啲大城密集到傻嘅州,好多人坐IC/EC/ICE當短程坐,而且如果你唔係communter,唔係買跨市月票(有跨市月票,大概一百幾歐羅到二百),有時出trip就寧願用Bahn卡買IC飛,因為IC/EC會平過RE,呢樣嘢就堅係住開德國先知,所以德國做生意人或要跨市公幹嘅人,就一般會買張BahnCard慳錢。

香港人想要 柯文哲 嘅福利,努力爭取一個民主政制先,只不過,問過啲只係食蛇齋餅粽嘅老人家先,香港人明顯無台灣人果種為自己社區唔食流水宴嘅心。

One thought on “柯文哲 式月票:其實德國都係咁玩

發表迴響

你的電子郵件位址並不會被公開。 必要欄位標記為 *