海外銀行戶口-min

設立 海外銀行戶口 導論(免費版)

好多讀者問我,點樣開一個 海外銀行戶口 ,我會分收費版同免費版去教,當然,如果你唔符合免費版上列出嘅條件,亦無謂浪費錢買收費版嘅文,因為技術上你根本開唔到戶口,嘥氣。如果你持有美國或加拿大護照,你自己返美國或加拿大開戶喇,拜托。

海外銀行戶口 設立關鍵

首先,你要開一個 海外銀行戶口 ,關鍵除咗你唔係美國公民(美國公民開銀行戶口係煩到爆嘅事),仲有,至少要符合以下兩個條件是但一個,否則你都係唔駛諗開戶口嘅問題,因為你有機會開到戶口,而金融制度穩陣,係歐盟國家為主,而香港人同歐盟國家嘅密切關係,亦係香港有部分人可以去開 海外銀行戶口 嘅關鍵,呢個並唔係一般有錢人嘅專利。

  1. 你有任何一個歐盟國家國籍,包括BNO,如果你BNO過期,唔該你開銀行戶口前更新你本護照,因為你必須有有效護照開戶口。如果你係澳門葡籍公民,你可以用仍然有效嘅葡國公民證。
  2. 如果你有英國駕駛執照,請用你英國駕駛執照申請,如果你係英籍人士,一般視為歐盟居民
  3. 你喺歐盟國家嘅Residence Permit,Residence Permit上你有嘅相。

同埋,一個可以幫你收到信嘅地址,當然,如果你用 BNO 或葡國護照,你可以用港澳地址,但開戶口果陣麻煩啲囉。如果你信得過你海外親友,其實去到呢步,已經大致夠,你未必需要去買收費版嘅文。但如果你係無呢樣嘢,咁你都係睇收費版嘅文,詳細教你點做好喇。根據歐盟法律,任何歐盟居民或公民,都有權開立一個最基本嘅銀行戶口,除非你係政治人物,或者涉及洗黑錢,另作別論喇。簡單嚟講,如果你齋有特區護照,係好難開到 海外銀行戶口 ,你啲錢銀有乜問題,都係各安天命,或者儘快申請簽證去海外打工算吧。

另一個可以選擇,係台灣,如果你只有特區護照,咁有台灣地址,台灣少部分銀行係願意開戶口俾香港人,當然詳細程序係點,我收費版先慢慢講,免費版我費時講。只不過,台灣啲銀行係唔係咁穩健我有保留,而且台灣有極嚴外匯管制,除非你成日去台灣,咁又另作別論。

2 thoughts on “設立 海外銀行戶口 導論(免費版)

發表迴響

你的電子郵件位址並不會被公開。 必要欄位標記為 *