霍金-min

霍金 用佢肉身證明咗乜

我國最偉大嘅天體物理學家 霍金 ,終於離世,佢可以活到七十六歲確係奇跡。我都有睇過《時間簡史》,對天體物理學嘅理論都略知一二,好似統一場論、廣義同狹義相對論等,只不過呢啲嘢,我知道太少,所以唔獻醜,我只想講, 霍金 用佢嘅肉身證明咗啲乜。

霍金 係用意志去證明人嘅價值

霍金 絕大半生都喺二次大戰後嘅英國,佢ALS病發都係二次大戰後嘅事,當時一切技術,都因應二次大戰傷兵嘅問題開始大有進步,否則佢唔可能活到三十五歲擔任劍橋大學教授,亦唔可能活到七十六歲,特別電腦技術嘅飛躍發展,對佢晚年仍然能保持發表演說等係十分之重要。但係,比起正常人,仍然需要克服極大困難至做到同等嘅一件事。所以, 霍金 若非意志極強,我相信係頂唔住,佢個腦一定係好勁,甚至係愛因斯坦果個級數,但佢嘅意志,如果喺英國喺數一數二嘅話,相信都無乜人會反對,因為正常ALS嘅病人,都好難好似 霍金 咁一路可以頂到今時今日,享有同大部分正常人一樣嘅壽命。

所以有時睇到政界有啲人果啲失敗論,我係好慶,話乜嘢資源唔夠多、錢唔夠人多,跟住就可以hea做,公眾期望你們呢班聲稱有熱心嘅人,係可以用意志嚟克服困難,當然,我覺得群眾都要貢獻少少力量,但當你睇到 霍金 嘅時候,如果人類只係宇宙中某個星球一堆高級馬騮,咁 霍金確係宇宙中獨一無二。 霍金 嘅金句英文原文係咁嘅

We are just an advanced breed of monkeys on a minor planet of a very average star. But we can understand the universe. That makes us something very special.

霍金 嘅原文,係我只地只不過係成堆普通嘅星嘅小星裡面一堆高級馬騮,只不過,我地可以理解宇宙,呢樣嘢令我地變得好特別。

其實最重要係意志,香港政客最缺乏係意志,仲要輸咗鬧講波果個,或者為咗發財賣屎忽俾中共仲要沽名賣直,容我咁講,如果有 霍金 嘅意志嘅話,香港嘅民主運動,就可能有希望,但依家係太多有手有腳,意志欠奉嘅友仔囉。

One thought on “霍金 用佢肉身證明咗乜

  1. 黃生,拜讀多篇閣下文章,得益不少,例如:中銀、朱凱迪、黃之鋒等人之不妥當,自以為「少年得志」,未勝先驕,鬧他們或教“精”他們,等其「撞板」睇戲或許更好。

發表迴響

你的電子郵件位址並不會被公開。 必要欄位標記為 *