中資銀行-min

中資銀行 你用埋我果份喇

中銀香港四月一日停機,固然已經搞到大家好驚,只不過,原來唔只中銀香港搞停機,以便同中國嘅系統整合,係連幾間大 中資銀行 ,包括工銀、建行、交銀都可能要停機換系統,同中國嘅系統整合嘅話,咁我只能講, 中資銀行 都係用埋你果份喇。

香港 中資銀行 優勢盡失

香港 中資銀行 同總公司用唔同系統,某程度上係歷史造成,好似工銀亞洲前身係歐洲資本嘅華比銀行,建行亞洲前身係美國銀行(亞洲),交銀就本來係中銀香港系統分裂出嚟,中信銀行係港資嘉華銀行加印尼華人銀行整合出嚟,所以本來就分開系統。而由於中港系統唔一樣,但又可以透過人事關係開戶口,所以香港 中資銀行 嘅戶口,十分之得到中國啲官員同商人嘅支持,依家實無呢個優勢,所以香港 中資銀行 反對呢個計劃,係十分之有理由嘅一件事嚟。

當然,依家香港 中資銀行 遲早都要好似中銀香港整合系統,如果你仲用香港嘅 中資銀行 ,一如我昨日所料,將會係用攞打貪,用埋用大數據監控香港人,咁嘅話,你嘅戶口都係搬去其他有外資背景嘅銀行吧,例如花旗銀行,至少大家啲錢無咁容易被中國監控,雖然遲早賣港嘅金管局,可能要求銀行用中國科技,迫人用銀聯咭搞到香港人去海外提款難過登天都已經玩到大家死吓死吓,你覺得香港啲銀行同金管局玩唔出第二啲嘢,香港無實質一國兩制,就係一件對大家嚟講咁大鑊嘅一件事。

有讀者建議我寫paywall教大家走資海外,我會嘅,不過至低限度,你要有本BNO先,否則你乜都唔駛玩落去,有外國居留權利係基本嚟。如果你喺海外留學緊,你喺讀緊書用嘅戶口,千祈唔好close,點都要諗計繼續用,因為呢個可能救到你自己同家人,因為如果你齋得本特區護照,無BNO或者其他外國護照,你係好難開到一個正正常常嘅戶口,可以日常管理錢銀出入,俾你嘅錢留喺海外。以往香港人無呢個必要,而外國銀行嘅費用都唔係話平,咁梗係唔好咁玩,但依家香港銀行都喺中國監控之下嘅話,唔用支付寶都迫你用支付寶嘅世界,你唯有利用讀書機會開嘅戶口自保。

One thought on “中資銀行 你用埋我果份喇

發表迴響

你的電子郵件位址並不會被公開。 必要欄位標記為 *