朱凱迪-姚松炎-自殺派

朱凱迪 為首嘅自殺派除咗打keyboard仗仲做咗啲乜?

其實我好少發揮我印尼亞齊人其中一項口臭技能,改人花名。不過,我真係決定將 朱凱迪 為首嘅自決派,改名做自殺派算,因為佢地嘅行為,真係同自我了斷無分別,得閒搵人打我,都唔得閒同一班自發幫姚松炎拉票嘅人謝票,呢班友唔叫自殺派,仲有乜好叫?

朱凱迪 呢班友輕重不分

朱凱迪 一定認為自己謀略蓋世,可以用埋啲屎忽計可以贏九西初選,幫劉小麗保住九西候選人資格,然後再好似姚松炎咁輸咗。如果佢仲有少少腦,都唔係依家呢個時候得罪四方八面嘅方丈,好似呢張由陳士齊提供嘅照片,九西一班人自發幫姚松炎,甚至謝票都幫埋,但姚松炎嘅人從來無主動去接觸佢地,甚至多謝佢地,唔通佢地認為劉小麗果場仗唔駛打,定係劉小麗可以食自己咁? 朱凱迪 成棚人得閒做鍵盤戰士,同我呢啲人開戰,咪做埋啲得罪方丈但對下仗一啲幫助嘅行為。

其實左膠都唔係第一日衰呢啲嘢,點解公民黨後嚟流失大部分義工同支持者,其中一個轉捩點係2004年嘅立法會選舉會戰,何秀蘭為首嘅友仔激走晒啲義工,甚至用埋啲仆街方法開我片,工黨西灣河果件麥德正係當年有份搞我其中一件仆街,你估我人走去德國乜都唔記得你條冚家鏟。結果好多人對政治心灰意冷,跟住我居然做唔到公民黨創黨黨員,跟住嘅事情,大家知道乜事喇。

所以,我可以斷定 朱凱迪 呢班友唔係搞自決,係搞自殺,因為對無錢嘅泛民,攏絡民心極為重要,特別係熱情嘅義工,但佢地嘅作為令人心寒。某程度上,梁天琦有值得尊敬之處係,因為佢地領導港大Ricci宿生會出身,英式領袖精神嘅訓練令佢知道要感謝群眾,否則果次民主富士康係點做出嚟,唔係一句港獨咁簡單嘛。梁天琦係有作為軍隊領袖應有嘅品格,但呢班左膠自殺派,十幾年前到依家,都係無呢種精神同品格。

梁天琦喺以往訪問中,講過呢句嘢:「不惜一切,甚至犧牲個人利益,一起去達成目標,一起去贏。」

點解自決派變自殺派,因為佢地唔尊重群眾,亦唔會有不惜一切,犧牲個人利益去一齊贏嘅精神,唔好怪點解年青人都咁憎自殺派呢班大帝。

2 thoughts on “朱凱迪 為首嘅自殺派除咗打keyboard仗仲做咗啲乜?

發表迴響

你的電子郵件位址並不會被公開。 必要欄位標記為 *