黃之鋒

以後大家都唔駛幫 黃之鋒 同自決派

朱凱迪隻狗 Jimmy Lam (有人唔認係核心,好,咁應該係隻狗,寵物,好事嚟,真名林健恆)喺度炮轟我批評姚松炎文宣嘅文同我Screen Capture佢篇狗文嘅文, 黃之鋒 竟然share兼認同,我好簡單,以後 黃之鋒 ,幫都唔駛幫。

黃之鋒 囂到幫過佢啲人都唔記得

Jimmy Lam係仆街,所以我費時答佢,呢啲藏頭露尾,講嘢唔負責任嘅友仔,我只會block and report,同我所可以用嘅一切方法十倍奉還,呢個我一貫作風,我個Page成個東福寺方丈牌匾擺喺度都仲要做打手,就咪話我唔客氣。

但 黃之鋒 呢啲係,除咗佢果班圍爐嘅「朋友」,唔好話我呢啲人,一般市民幫過佢都唔記得,唔感恩,唔怪得 黃之鋒 同張秀賢人緣差咁遠,張秀賢係呢次新東一役功臣之一,但佢就為朱凱迪護短,點解香港眾志無法繼承學民思潮嘅民意基礎,依家大家咪明, 黃之鋒 嘅人格缺陷害鬼死佢。

講真,喺姚松炎輸到咁,又要準備劉小麗打唔打第二役嘅問題,我直頭喺蘋果日報公開呼籲劉小麗咪打第二役,好心自決派班友就咪鬧講波果啲,你估個個講波都未落過場。觀龍之戰(2003)、港島會戰(2004,何秀蘭班垃圾累街坊囉)、兩太會戰(2007,邊個第一個設定陳方安生出戰,呢個有晒報紙記錄)等等,我有邊場未打過,甚至東華補選戰,我都係出嚟打走班左膠,同埋鎅票黨。其他人係唔係狗頭軍師,懷才不遇,我唔知,但我只係ICOCA軍師嚟啫,兼且我算係技術上移咗民,入咗英國保守黨仲志在喺香港政界呀,我都係基於對香港嘅責任,講番我所知嘅嘢。我唔興馬後炮,況且依家好快就第二役,你班友唔係應該慶幸有成班友免費做賽後檢討,然後用喺規劃第二役上面咩,呢啲堅係塞錢落你袋。結果一個朱凱迪唔想承認責任,搵人鬧我, 黃之鋒 唔睇清楚就share呢啲狗賊嘅post,我只能講,你無嘢嘛。

喺本土派嚟講,我算係唔少情況為 黃之鋒 辯護,甚至 黃之鋒 搞唔掂加拿大ETA,我搵過人幫佢手搞掂件事,呢啲人地嘅幫忙,唔係你有光環就take it for granted。甚至果次檳城蒙難,林鴻達都搵咗丘光耀,爭啲要林冠英出面搞掂,你做個個都搵到丘光耀有交情㗎,人地嘅人情咭唔係人情咭。結果就係,有事果啲圍爐友仔最緊要,同何秀蘭果鋪累死余若薇團隊然後累自己輸埋一樣囉,咁我答案好簡單,你班自決派駛鬼人幫,以為自己咁叻,就大家睇住你泡沫化為止,因為呢啲唔尊重善意批評,唔尊重幫過自己嘅人,你要地區樁腳,邊度嚟樁腳,人緣都差成咁,早抖喇。

呢次姚松炎搞成咁,唔係姚松炎本人有問題,而係成個自決派嘅做人態度有問題,其實我明點解我激慶咗 黃之鋒 ,我篇文係讚張秀賢嘅商業美學做法,同埋策略觀,但實情就係, 黃之鋒 主政下嘅香港眾志,依家啲文宣邊個睇得明,同學民思潮年代一比就知喇。跟住點解 范國威 可以成功同部分唔妥佢嘅人和解,張秀賢做咗好多功課,呢個就係人地有人格親和力, 黃之鋒 唔睇清楚自己嘅個性缺點,仲要同一向唔聽人講,自負到爆嘅自決派走埋一齊,結果一定係齊齊搭沉船,政治能量燒到盡,咁簡單。

譚志強話我點解唔一早KO佢, 黃之鋒 有性格問題,我一直都知,但以往我太早講一啲人有問題,係無人會信,咁我寧願相忍為港,等佢地自己露出真面目至一次過出手,咁樣大家就會睇得清楚啲,特別何秀蘭當年果班議員助理(劉家儀係其中一件仆街,我仲好記得)玩陰招,令我對左膠採取一個伺機而動嘅策略,依家Jimmy Lam呢啲狗咪俾我藉口出手,仲要順便累街坊累埋 黃之鋒 。

我心知自己不宜從政,因為性格同埋唔夠靚仔(靚仔係重要的),所以我一直都係從商寫文,重大戰事做參謀盡公民本份, 黃之鋒 可以做領袖係時勢,但佢唔知自己缺乏,修為不足繼續做領袖,就一係變質做獨裁者,一係就拖自己個黨去變成泡沫為止,唔會有第二條路。自決派後面嘅中大學生會左膠路線,一早證明累街坊兼失敗,你話張秀賢或周豎峰年代嘅中大學生會得民心啲,定係左膠年代得民心啲,其實答案都好明顯吓,更何況出嚟從政。

所以我決定由得 黃之鋒 自己仆街,有乜嘢事唔好煩我要幫佢,免得自討沒趣。以前我自己落場,都已經受過唔少氣,夠喇。更何況,呢次九西戰場我唔參與,因為我知道你班自決派就係唔聽人講,有啲事,就係咁簡單啫。

One thought on “以後大家都唔駛幫 黃之鋒 同自決派

  1. Joshua 始終都仲係年輕,假以時日,再觀察吓有冇變化,做人處事作風始終會隨年齡歷練改變。

發表迴響

你的電子郵件位址並不會被公開。 必要欄位標記為 *