中銀香港-min

中銀香港 系統升級十分可疑

香港銀行禮拜六日升級系統,本來閒過立秋,較早前啲CPU漏洞都要修補喇,但 中銀香港 喺月底嘅系統升級,就十分之可疑,表面理由同老共實際上做呢件事嘅理由,根本係兩回事嚟。 中銀香港 嘅存戶仲應唔應該存錢喺呢間銀行度,就貴客自理。

中銀香港 嘅系統無問題,做乜要同中國系統整合

中銀香港 嘅系統,一直以嚟同中銀自己系統分開,一方面,同 中銀香港 本身係n咁多間中資銀行整合而成有關,另一方面,如果當年 中銀香港 嘅系統唔係香港獨立運作,英國管治果陣未必俾佢玩落去。 中銀香港 個系統以我所知都膠膠地,但未去到中國果隻啲錢自己會消失,個人資料錯到離晒譜嘅程度,咁 中銀香港 做乜要將自己系統同中國自己整合。依家話理由係因為南洋果堆中銀分行賣咗俾 中銀香港 ,所以要就佢地而整合系統。咁 中銀香港 繼續獨立運作,改南洋堆中銀系統咪得,點解係同中國嘅中銀系統整合,成件事,根本係當啲銀行客戶乜都唔識,真係識少少嘅,都嚇到鼻哥窿都無肉咁滯。

依家 中銀香港 嘅系統升級係十分之可疑,我懷疑有三個目的,首先,係唔少中國官員都將啲黑錢存入 中銀香港 ,依家方便監控呢啲友仔嘅錢,所以要做系統整合,但呢個理由對中國嚟講未夠強,因為中紀委之類,係可以派條友入去 中銀香港 暗中查數,況且中資銀行喺香港都唔只一間,甚至有啲黑錢直接流入外資控制嘅銀行,根本唔想俾你中國班友睇到啲錢嘅存在。

我更懷疑係兩樣嘢,首先,將香港人納入中國嘅大數據監控體系之中,由於香港人唔用支付寶,就由成堆香港傻仔用嘅 中銀香港 入手,所以香港人唔少嘅財務資料,將會源源不絕咁流入中國人嘅手上,所以我話,你用唔用 中銀香港 ,就貴客自理喇。

另一方面,會唔會因為支爆,而需要將 中銀香港 嘅資金整合管理,大家都知, 中銀香港 好可能係全世界中銀集團成員行中,財政最穩健果個,以往梗係用 中銀香港 走資同作為對外業務窗口,但依家支爆果陣,中國會唔會另有諗法呢?所以呢次系統升級有咁多傳聞,係連 中銀香港 嘅行員自己都應該感覺不安,所以都係果句,睇路。

One thought on “中銀香港 系統升級十分可疑

發表迴響

你的電子郵件位址並不會被公開。 必要欄位標記為 *