Tillerson-min

Rex Tillerson 突然被炒 Trump 有重大改變

Trump 又fire人,呢次fire係 Rex Tillerson ,呢位同俄國關係極度,以前係埃克森美孚石油CEO嘅國務卿突然被炒,換上竟然係CIA嘅頭子直接換上去。呢個決定十分之突然,但可能係 Trump 準備進入作戰狀態嘅訊號。

Rex Tillerson 被炒即準備同普京反面

最初 Trump 用 Rex Tillerson 嘅原因,因為 Rex Tillerson 同普京係關係好好,如果 Rex Tillerson 可以利用呢個關係,令美俄可以合作,咁 Rex Tillerson 就叫做好咗佢份工,但依家好明顯唔係喇,普京囂張到喺英國國土上用軍用神經毒劑殺人,以 Trump 嘅為人,炒咗 Rex Tillerson 係正常過正常嘅事,喺 Trump 呢啲老闆嚟講,你達唔到原有目標就要炒㗎喇。

依家特朗普嘅變動,亦係大大反映依家特朗普可能為爭取連任,變得十分之鷹派,特別喺北韓問題依家似乎取得成功,係點解決定金仔同特朗普會面地點,可能搵新加坡一類國家都得,甚至其實最合金仔脾胃係瑞士,中立國做呢類嘢一向最好,係要解決金仔怕搭飛機問題啫。依家特朗普要解決係普京再連任後嘅俄國,以及越嚟越目中無人嘅中國。如果外交係軍事嘅延伸,咁搵CIA頭子嚟做國務卿係十分正確嘅決定,因為佢有呢個情報知識同判斷,去執行Trump要佢做嘅唔同工作,特別針對中俄兩大對手。

俄國係捉棋民族,普京見到呢個款勢色唔對,應該會試圖喺敘利亞問題以及烏克蘭東部上同美國妥協,唔會隨便硬碰,但中國就好難講,因為金仔尋求單獨同中國媾和嘅機會相當大,而未來新國務卿嘅責任,好大機會係要完成對中國嘅島鏈包圍部署,其實好有準備打仗嘅意味。而且依家特朗普連2020嘅總統口號都咗出嚟(雖然好boring,keep America great,好悶),特朗普用一場戰爭令自己喺連任上有優勢又有乜出奇,所以依家形勢係十分之有火藥味,我好少中途插post講美國嘢,但呢單嘢堅係大,所以都要特別攞出嚟討論吓。

One thought on “Rex Tillerson 突然被炒 Trump 有重大改變

發表迴響

你的電子郵件位址並不會被公開。 必要欄位標記為 *