樂視

樂視 已經爆咗 支爆邊個話唔會發生

樂視 會唔會爆呢個問題,由2016年寫到依家,大大話都寫咗四五篇,呢個禮拜 樂視 體育香港正式執笠,世界盃播映權都要交俾PCCW NOW,賈躍亭嘅鬧劇落幕。依家果啲唔信 樂視 會爆,支爆會發生嘅人,我想問究竟去咗邊?

樂視 爆係一面鏡

我一直都反對 樂視 呢啲公司攞到香港足球賽事播映權,因為對消費者無保障,好多人會被中國人呃到,唔知邊度豪出嚟幾十億,幾百億就好有前途,實情係中國人做生意慣咗賭白頭片,成班友用中國龐大市場昆到啲嘢後,再四處撲水,而果件事賺唔賺到錢無人知,因為好多嘢係中國人山寨美國人啲嘢,呢個就係中國實情。所以成班人見到中國金碧輝煌就唱好中國,我只能講,呢班友係傻仔,對中國國情一無所知,實情就係,中國根本底子薄弱,但係打腫臉充胖子,只有有朝一日頂唔住就成件事散晒,件事就係咁簡單。

樂視 爆係呢種中國商業模式爆嘅第一幕,海航都應該跟住,好多公司都跟住嚟。 樂視 爆最大問題係一堆爛帳,爛帳係要有人清理,依家係衰過國有企業破產後,過往國有企業資不抵債,但最終承擔責任仍然係政府,銀行大股東又係政府,咁都無事,但依家 樂視 嘅大股東賈躍亭係個人,海航股東後面係乜嘢人,就更加無人知乜水,咁銀行問邊個追已經被人運到海外嘅錢呢?中國銀行系統就係咁出事,所以話 樂視 呢單嘢同支爆無關?咪玩喇,中國好多呢啲不負責任嘅商人,而銀行追番爛帳嘅結果咪連環爆,仲要依家中國出口疲弱,好多錢又以一帶一路名義帶去第三世界國家,但呢啲錢最終又會流入西方國家果啲中國權貴個袋度,大家都可以幾肯定,好快中國個底露出嚟,屆時金融秩序大崩潰嘅話就喊都無謂。

其實會唔會支爆,條數唔難計, 樂視 一間都搞出成百億人仔嘅爛帳,跟住海航嘅爛帳又會係以百億計,咁樣計吓計吓,啲銀行唔爆就有鬼,所以呢,依家香港人可以透過PCCW NOW睇番英超都好,都要準備資金撤出嘅問題,香港銀行唔受中國銀行系統影響,我唔多信囉。至少,你唔好再存錢喺中國國有銀行度喇,嫌唔夠牙煙咩。

我寫過嘅 樂視 文章

  1. https://martinoei.com/article/17812/樂視體育-不如快啲執咗佢算
  2. https://martinoei.com/article/15616/樂視-與支爆
  3. https://martinoei.com/article/10180/樂視-就爆?
  4. https://martinoei.com/article/9185/樂視-爆,跟住支爆?
  5. https://martinoei.com/article/9302/誰保護香港-英超-觀眾?

發表迴響

你的電子郵件位址並不會被公開。 必要欄位標記為 *