朱凱迪-姚松炎

朱凱迪 仲想推卸責任到幾時?

本來已經講補選講到悶,我想講吓電子煙問題,以及香港批地政策呢啲嘢,但係 朱凱迪 又玩假道歉,呢樣嘢堅係無恥到底,依家佢學到玩語言偽術,咁我都唔客氣,亦要還曾經幫過姚松炎嘅泛民一個公道,因為戰敗責任明顯喺 朱凱迪 度。

朱凱迪 搞到地區樁腳都幫唔到姚松炎

朱凱迪 講果三個所謂理由,講到自己都有份咁,實際上推落成個民主派度,好似呢句

「落到街感受到,好多市民對議員DQ或者宣誓玩嘢、拉布咁,市民諗法比建制派建立嘅意識形態影響得幾緊要,無辦法突破,亦令支持者覺得無乜出路」

朱凱迪 MP,你無病嘛,點解區諾軒又做到個主題?點解范國威又做到個主題,你自己負責操盤嘅九龍西又做唔到,唔好一味賴人,九龍西係出得最多本土議員其中一個選區,九龍西啲人接受激進議題嘅量度遠大過港島,但港島可以區諾軒贏,而九龍西做唔到, 朱凱迪 呢句話,本身已經係接近梁振英級數,十分之無恥,咁樣將責任推落泛民啲人度,簡直係大開眼界。

欠地區樁腳呢個理由,簡直係黐線之霸,黃碧雲主動獻身協助,鄺葆賢、游蕙禎提供大量地區情報,部分民協議員係主動積極助戰,結果你依家打出乜春出嚟,以我所知,泛民地區樁腳幫手,個個食檸檬,打到十分之無癮,甚至有人感受到2004年我協助何秀蘭余若薇作戰果陣,對住何秀蘭果班爛人嘅心情。依家 朱凱迪 出嚟痾屎唔出賴地硬,朋友,你無嘢嘛,我堅估唔到,當左膠變咗政客之後,好嘢無學,但梁振英果隻語言偽術,就學到十足十,好彩暫時 朱凱迪 無機會做特首,否則大家堅係準備著草走人都得,呢種人同梁振英,其實唔會太大分別,只不過依家佢仲做緊啲好事,未作惡咋。

朱凱迪 果啲推落泛民責任度嘅說話,唔該收番,同埋唔該管束佢啲死忠,唔好四處好似焦土派咁亂咁打人,呢啲事,我係一定無面俾嘅,以下係 朱凱迪 選戰核心之一Jimmy Lam講嘅偉論,呢班友,真係個個都係倒帽咁倒出嚟。

朱凱迪 咁搞落去,劉小麗可以考慮旅遊大計,因為九西第二役,一定唔到佢打,大家無人想見到 朱凱迪 出嚟亂操盤。

發表迴響

你的電子郵件位址並不會被公開。 必要欄位標記為 *