南生圍-min

仲要縱容 南生圍 縱火到幾時?

南生圍 近日又發生神秘火災,呢種火災我睇唔到除咗縱火仲有其他解釋,因為香港嘅濕度並唔係去到風高物燥嘅程度,我想問點解 南生圍 無喇喇會有火,除咗塊地嘅業主 恆基 之外,我睇唔到仲有乜人有興趣喺 南生圍 生火。

南生圍 反映恆基嘅手法

如果恆基係有心保育 南生圍 ,應該係搵人睇住自己塊地,唔好俾人起火,但香港啲死𡃁仔未無聊到去新界玩火,我諗或者有人去呢啲長期丟棄嘅荒地打野戰。如果警方係有心調查,係查到場火係天然定人為,如果係天然火,個火頭都應該可以解釋吓。一塊地產商用咗幾十年,打過去樞密院又打過去終審法院嘅地,如果政府無認真做嘢,我睇到結果只有一個,就係 南生圍 嘅縱火事件不斷發生,香港人只會睇到黑過墨斗嘅官商勾結。

香港人成日鬧李嘉誠,但問心果句,李嘉誠啲地會有呢啲奇怪嘅火災嗎?李嘉誠嘅公司會走去撥大筆錢去贊助鄭泳舜搞屎搞尿嗎,無囉,反而,我睇到係李嘉誠見到香港同中國政局十分之唔妥,大規模撤走,並且以歐洲為目的地,依家你睇習氏稱帝,就見到李嘉誠嘅決定係啱嘅,依家做正當地產商,根本無可能,恆基依家咪幾叻仔,收買新科議員鄭泳舜,大家䏲家園基金係邊個科水,邊個創辦,你就知依家真正最惡,最值得香港人質疑嘅商人,並唔係李嘉誠,而係恆基李兆基家族。

南生圍-家園-min
南生圍-家園-min

當然政界啲人唔鬧李兆基,我都唔奇怪,左膠同恆基嘅關係我無證據,但講真,一早令人懷疑。而由泛民到土共,個個都收唔少煤氣公司資助搞蛇齋餅糭,所以 南生圍 呢啲奇怪火災,我想問邊個政客出過聲呀?無囉。無錯,選舉係一件好重要嘅事,但 南生圍 嘅保育,唔通唔重要,依家啲有錢佬,就係又要粉嶺高爾夫球場,又要攞 南生圍 嚟做豪宅,香港新界真係變成唔知乜嘢嘅地方,呢樣嘢正正係我認為最恐怖嘅地方。

都係果句,仲要縱容 南生圍 縱火到幾時?警察唔交代,政府唔交代,政客唔做嘢,香港人係唔係睇住 南生圍 呢個地方變成一片焦土,然後再被啲中國富豪住埋啲品味令人作嘔嘅豪宅?香港啲事,真係越嚟越難睇,而且令人作嘔。

One thought on “仲要縱容 南生圍 縱火到幾時?

發表迴響

你的電子郵件位址並不會被公開。 必要欄位標記為 *