馬哈迪-min

馬哈迪 與希盟:南洋人嘅合縱連橫

有啲人問我,我果套戰略思維邊度嚟,當然唔少係睇歷史書,但有部分,係嚟自南洋人嘅打硬仗習慣。點解南洋人最終可以建立自己嘅國家(新加坡),華人亦可以喺大馬政壇有一定地位,就係一套純粹基於戰略嘅思維,甚至大局當前,私人恩怨可以撇開。

馬哈迪 正係例子

當初薯片鬥林鄭,啲左膠、啲焦土、對同曾俊華合作牙痛咁聲,但南洋人唔會牙痛,民主行動黨林吉祥(柔佛振林山國會議員),林冠英(檳城首席大臣,檳城國會議員)被 馬哈迪 用《內安法令》拉過添,仲牙痛喇,但林吉祥、林冠英就係唔計較,甚至安華夠被 馬哈迪 搞到雞毛鴨血,但安華、林吉祥都可以唔理私人恩怨,同 馬哈迪 結盟,隊冧咗納吉呢個不義政權再講。南洋人就係有呢種以策略優先嘅大局觀,所以李光耀可以為咗茁壯人民行動黨,不惜同馬共相關嘅人與虎同眠(當然無人夠薑玩第二鑊,李光耀無被人隊冧堅好彩), 馬哈迪 同林吉祥共同作戰,對好多人嚟講,發夢都無諗過,但係依家馬來西亞就係咁樣打,以免國家被納吉玩殘。

呢種大局為重嘅觀念,戰略思維係必須,但你對一個地方嘅愛,都係必須,否則你意志上唔可能戰勝你嘅個人感受同恩怨。李光耀對新加坡嘅愛,無庸置疑,林吉祥、林冠英父子對大馬嘅愛,亦無庸置疑,愛果個地方,你至有呢個鬥志去立國,或為佢做任何事,呢個亦係我完全唔信焦土派或左膠愛香港嘅原因,乜嘢叫相忍為港,呢班友識條鐵咩,所以南洋人有一樣嘢,係香港依家所謂口口聲聲建國,跟住去咗賣港嘅仆街所無,就係一切為香港而戰嘅鋼鐵意志,任何只要係為香港最高利益嘅事情,都會去做,呢種鋼鐵意志就係一個人國家忠誠嘅反映。當然,大家睇到,所謂焦土派實際效忠,係佢嘅個人利益,以及私人財產,佢地口講愛香港,都係同土共一樣呃鬼食豆腐。

所以香港人某程度上,係未準備好去建立一個國家,因為建立一個國家,必須有為國家利益不惜一切嘅鋼鐵意志,新加坡可以被驅逐後企起身,因為李光耀聚集咗呢啲人,而喺香港,我只係見到唔少契弟喺度走嚟走去啫。

發表迴響

你的電子郵件位址並不會被公開。 必要欄位標記為 *