姚松炎-文宣-min

姚松炎 文宣出咗乜嘢事

喺我要準備重火力掃蕩焦土派前,班左膠,我都係要再打多次,呢次 姚松炎 文宣出事,反映一貫以嚟中大左膠果種劣質美學觀,呢種美學觀係會死人。現代商業美學,都係一班前衛藝術家嘅心血嚟,唔該班反資本主義上腦嘅左膠尊重吓。

姚松炎 只不過係撞咗板嘅倒霉人

喺我讀緊中大果陣,中大學生會啲文宣,大概就係 姚松炎 呢啲手畫banner嘅水平,呢種設計簡直係災難。雖然我美術唔叻(我同啲勁人比,返去早抖果隻),但始終喺報館做過,知道一樣嘢,就係任何涉及宣傳嘅嘢,用蒙納(Monotype)中文字體係最低標準,所以手寫固然接受唔到,我就寧願自己郁手用PageMaker做design。依家可以用電腦做文宣,都係要用電腦,你要搞文青風都係要咁搞,

同樣係左膠政黨,時代力量嘅文宣同 姚松炎 呢鑊嘅共產風味文宣係爭好遠,時代力量林昶佐始終係一個搞娛樂事業嘅人,對呢方面係有專業要求,你睇時代力量林昶佐自己啲文宣嘅字體就明白一切。

時代力量-文宣-min
時代力量-文宣-min

相反,朱凱迪呢套美學係有問題,係連黃之鋒自己都退步埋果吓膠(黃之鋒主政嘅香港眾志整體),喺張秀賢主政年代嘅學民思潮,果套商業化嘅文宣反而係又入到屋,又不會太俗氣。當然,自己Design,同Designer被啲蠢老闆指住個太陽穴侷住亂咁舞好唔同,有幾多老闆明白,佢地自己嘅美學有咁幾不濟至得。

其實現代商業設計,都係曾經好前衛,你睇Wiener Werkstätte啲傢俬,你睇落以為係現代製作,果啲其實係上世紀初嘅製作嚟,現代嘅商業設計係經歷過分離派等衝擊變出嚟,唔好乜嘢現存於資本主義世界嘅都要否定,否定唔該朱凱迪議員唔好再用果個REWE超級市場嘅環保購物袋,朱凱迪MP搏香港人唔知你個孭住嘅袋喺REWE買,但呢啲日日都入REWE買嘢嘅人,點會唔知你個袋唔係REWE,而REWE係德國嘅連鎖集團,雖然佢係一堆合作社而組合而成嘅集團(所以德國人幫襯REWE一般相對放心)。

REWE-朱凱迪-min
REWE-朱凱迪-min

甚至我對任何香港政黨嘅文宣都係咁睇,唔該唔好再俾呢啲山寨嘢我睇。

發表迴響

你的電子郵件位址並不會被公開。 必要欄位標記為 *