姚松炎

姚松炎 之敗:戰術分析

姚松炎 之敗,我講咗人事部署之敗,但戰術(Taktik)都要講,戰術執行嘅失敗,都係致命。而好簡單,喺朱凱迪身上成功嘅戰術,喺 姚松炎 可以講係災難性,甚至係一定唔可以用。 姚松炎 嘅環保再用Banner,正正係一個例子。

姚松炎 嘅Banner出咗乜事

姚松炎
姚松炎

呢張banner,朱凱迪用過呢招,但朱凱迪用係無問題嘅,幾個因素

  1. 朱凱迪新界西係鄉郊戰場,鄉郊戰場呢種再用有一定實用性,亦討鄉郊人歡心。
  2. 朱凱迪面對一個比例代表制戰爭,唔駛爭大多數。
  3. 朱凱迪第一個用,有新鮮感。

但 姚松炎 係城市戰場,而且仲要打一個單議席單票制戰場,而城市人係唔會對呢啲再用行為而感動,城市人要係recycle,但亦要有美感同品味,我夠賣Kaffeeform嘅咖啡渣造嘅杯(順便廣告,有得賣㗎),但人地德國佬都係做得靚,大家係願意用,否則咖啡渣再造杯邊個買至得。姚松炎可以用再造banner,但可以用100% recycled material嘅banner取代,或者用環保紙印嘢上去冚住舊banner,絕對唔可以用手寫求其hea過,喺旺角、油麻地呢啲品流複雜嘅社區,阿水睇到你嘅banner?小麗民主教室啲banner,都要用鮮明嘅黃色做主色喇,你估無解嘅咩。

由 姚松炎 嘅banner可以睇到一樣嘢,就係成件事係一個戰術執行嘅失敗,左膠要爭取啟德嘅票無問題,你 姚松炎 開到WeChat咪得,啲啟晴邨嘅居民,可以同香港主流完全唔同,Facebook唔用,Instagram唔用,可能用Twitter仲有少少少用,用微信或微博如果你開到就有用,當然中共唔會俾你 姚松炎 喺中國嘅social network進行經營。

左膠由中大到依家都係唔重視戰術執行,呢點係我做中大代表會果陣我同佢地嘅最大分歧,我係注重執行嘅細節同方法。所以 朱凱迪 唔應該再搞呢啲選舉工程嘅嘢,佢專心做好佢擅長嘅踢爆同保育政策就十分之好,依家成班自決派,係明顯衰過時代力量。時代力量嘅文宣係好商業化,因為林昶佐本來就係一個好商業化嘅人。

發表迴響

你的電子郵件位址並不會被公開。 必要欄位標記為 *