朱凱迪

朱凱迪 必須出嚟為九西敗選負責

姚松炎敗選,姚松炎固然有自己嘅責任,但佢最大敗筆,應該係將個兵權交俾傲慢嘅 朱凱迪 ,自決派同台灣時代力量一樣,傲慢文青當道,但唔知打仗呢家嘢,係一個講邏輯嘅事情,唔係佢地呢啲文青一味自我感覺良好就可以以為自己大晒。

朱凱迪 連比例代表制同單議席單票制分別都未搞清

劉小麗喺2016年可以贏九龍西議席,一方面係涉及名嘴間恩怨,但另一方面係,比例代表制,特別香港呢隻對小黨特別有利嘅黑爾基數最大餘額法(Hare Quota – Largest Remainder Method)就特別仆街,所以走專精某一類型人士嘅路線有利,呢個係自決派左膠,同激進本土派都可以出嚟嘅歷史背景。如果單議席單票制隻抽,就唔係果回事,單議席單票制隻抽,你一定要尋求最大公約數。梁天琦2016年係揀錯咗佢嘅第一戰場,如果佢2016年9月至出戰,我可以肯定佢一早做咗MP,果陣梁振英未咁狗諗到DQ呢啲伊朗式橋段(張翠容最愛)。

朱凱迪 操盤下嘅姚松炎部隊,就係當自己打比例代表制咁打單議席單票制嘅仗,仆街係正常過正常,因為你們只會攞到果啲泛民死忠飛,中間飛無晒,黃埔東西居然大勝,我只可以講係游蕙禎、鄺葆賢暗發功得勁,但民協多個城鎮失守,呢啲咪係 朱凱迪 自己唔識民情搞出膠。所以呢件事, 朱凱迪 居然完全當自己無責任,羅冠聰仲亂咁鬧人係狗頭軍師,我心諗,你班友無嘢嘛。喺以前嘅德國,德國陸軍總參謀部(Großer Generalstab),喺毛奇年代,參謀長有直面皇帝嘅權力,無班參謀去就戰爭作出廣泛嘅謀劃,為唔同情況作出計劃,你班友打條春咩。

朱凱迪 同羅冠聰依家係傲慢,極度傲慢果隻,如果 朱凱迪 唔向泛民啲選民道歉,九西第二役,唔駛問阿貴,劉小麗係唔駛打,因為無人相信劉小麗後面操盤果個唔係 朱凱迪 囉。係唔係狗頭軍師,唔係你鬧係狗頭軍師係狗頭軍師,你羅冠聰都係電競評論員,如果有電競選手喺你旁述果陣鬧爆你,我真係想知羅冠聰會點睇囉,無踢波嘅會鬧講波果個,講波太廢群眾自然會鬧爆佢。

發表迴響

你的電子郵件位址並不會被公開。 必要欄位標記為 *