姚松炎-min

姚松炎 點解輸咗九西會戰

我落筆呢刻, 姚松炎 明顯輸咗九西會戰,當然,九西呢個戰場係我呢度最無點做嘢,新東我基本上掃蕩晒啲焦土派,焦土派有幾多料大家心照。港島陳家珮簡直係垃圾嚟,唔打佢都對唔住自己。好啦,問題嚟,作為一個多場戰役嘅軍師,我想分析 姚松炎 點解輸咗九西會戰?

姚松炎 班友知唔知戰略同戰術

無論東華選區戰役、新東會戰定港島會戰,喺人選議定果陣我已經知乜事,甚至盡力擊退左膠干預,因為左膠係識權術唔識戰術同戰略,呢種人同焦土派其實一樣咁惡劣,所以由東華戰役到依家,我唔係開火擊退左膠,就係開火狂掃焦土派,都係咁解。新東會戰,以范國威新民主同盟嘅基礎,就算焦土派令部分人唔投票,都一樣可以贏,呢個係焦土派睇唔到嘅現實,我只不過搵藉口令焦土派成員全面暴露真身,所以呢次對佢地嚟講係庫斯克會戰嘅德軍。正如東華選區戰役,我都係乘機清理班左膠,香港獨立媒體班左膠。

其實游蕙禎有提過 姚松炎 應該點打,同 姚松炎 以及後面嘅朱凱迪議員完全唔理,成班友活喺自己嘅世界打仗,呢班友唔記得一樣嘢,黃毓民大舉投共嘅時候,如果無青年新政嘅endorse同協助作戰,係死硬,但 姚松炎 喺朱凱迪等人嘅壓力下請游蕙禎食檸檬,咁游蕙禎點幫,更加唔好講我呢啲遠程導彈作戰,我要射去邊撚度都唔撚知喇,係唔係。至於馮檢基,班友無諗過同佢修好關係,相反,范國威,係有做足功課同民主黨和解,所以呢次民主黨同新民主同盟罕有成功聯合作戰,甚至部分新民主同盟前成員都歸隊, 姚松炎 唔知九西民情,唔識修好關係,唔識自身形勢,一場唔應該輸嘅仗輸咗,又有乜出奇。左膠真係認為掛住民主派個朵,就係無敵保證會贏㗎,喺單議席單票制下一定唔係,依家搞到鄭泳舜變土共英雄, 姚松炎 該當何罪?講真,如果唔係六點幾梁美芬唔想鄭泳舜領功,突然爆軍情激起泛民投票意欲, 姚松炎 係慘死。

就政治倫理嚟講,九西第二會戰,應該由劉小麗出戰,只不過,依家朱凱迪等人貪字得個貧,而且對泛民造成好大損傷,所以我認為九西第二會戰,唔應該出劉小麗,我相信結果會比姚松炎更慘烈,喺九西第二會戰,唔該泛民認真虛心問吓游蕙禎同佢後面啲支持者點打,拜託。

發表迴響

你的電子郵件位址並不會被公開。 必要欄位標記為 *