常在戰場-min

常在戰場 :泛民同本土嘅應有認知

呢次補選,係少數我無投票嘅補選,雖然好多後面嘅嘢,都係留番回憶錄講。掃蕩焦土派,係我最後幾日嘅工作,但有一樣嘢,喺選後諗番,泛民同本土都無呢個領悟,俾共產黨搞啲小動作就足以中伏有突,呢個領悟係山本五十六嘅名言: 常在戰場 。

常在戰場 嘅意義

常在戰場 四個字,典出《三國志》,原句係咁嘅

終日苦思焦慮,平時也嚴整戰備,如臨戰場。

喺一個咁嘅仆街政府,中共嘅仆街打法,你係要成日預備上戰場,好似焦土派呢班撚樣,喺劉頴匡呢條仆街收番晒啲保證金後,我已經準備煮佢重米,但我估唔到呢班友做咗庫斯克之戰嘅德國軍隊,諗住攞晒所有可以用嘅坦克車同以逸待勞嘅蘇聯軍隊打,結果就連最後戰略主導權都輸鬼埋。如果范國威係贏喺一個comfortable margin,我睇班焦土派全部都唔駛再生存落去。

當然,泛民依家係要認識政治現實,焦土派可以突擊話俾呢班友聽,無本土派同意嘅候選人,佢地都係準備仆街死咗去,呢個係殘忍嘅政治現實嚟。所以即將嚟臨嘅新東第二次,長毛唔好再出嚟打,佢應該退休(而且佢好大機會被人二次DQ,姚松炎會唔會再被人抽稱,十分之難講),而且焦土派一定攞長毛作為聚集兵力嘅方法,死梗,張秀賢好可能係要再度出征,呢次佢幫范國威,亦得到各路人馬一致認可。

至於九西,大家唔好怪游蕙禎唔出嚟endorse任何人,呢啲輸波賴地硬嘅打法返去早抖,當然馮檢基hea做,證明呢條友心術不正,以後乜嘢泛民初選都唔好預呢條老而不,佢可以退休。但姚松炎嘅打法,自決權亂咁操盤一樣係黐線,九西第二役應該由一個各方接受嘅人選取代,戰略上比較恰當,而唔係繼續由劉小麗去打,我睇法係,民主黨嘅任國棟係一個各方接受,當然我心中最佳人選,仍然係鄺葆賢醫生,呢個一定。

同埋泛民班友,應該準備任何出現嘅賤招,包括收買一啲假本土派,如果係精嘅,依家就要徹底令焦土派收工,以免影響本土派同泛民嘅戰略合作。同埋如果呢次姚松炎贏,係因為梁美芬喺六點半突然爆響口話鄭泳舜大勝,暗插鄭泳舜一刀,亦令九西投票率不正常地高,下次無咁好彩。

發表迴響

你的電子郵件位址並不會被公開。 必要欄位標記為 *