立法會補選

焦土派何以喺 立法會補選 作亂

焦土派喺 立法會補選 作亂,特別喺新界東補選作亂,呢個都係不爭事實。只不過,除咗喺星期日休息講,香港唔少本土派只係想拜神果種奇怪心態之外,有一點都係重要,呢班焦土派係睇中梁天琦同黃台仰無法出嚟鎮壓呢班牛鬼蛇神,至會敢亂嚟。

如果梁天琦可以出嚟喺 立法會補選 助選

焦土派講得最多嘅廢話,就係范國威同抗爭者割蓆乜乜物物,劉正本身無資格講呢句,因為佢老婆係差婆,呢啲重要嘢要講n次。范國威某程度上,係需要有重量級抗爭者去同佢背書,最適合應該係梁天琦同黃台仰。以梁天琦還押前同香港眾志嘅關係,我反而唔擔心,梁天琦同黃台仰唔會幫范國威背書,我認識嘅黃台仰同梁天琦都係有戰略觀嘅人,同陳雲、黃洋達、黃毓民呢啲仆街好唔同。但依家係梁天琦還押,而黃台仰流亡德國,而依家一定唔係黃台仰適合浮上水嘅時候,畢竟黃台仰流亡涉及好複雜嘅法律問題,所以,呢班焦土派咪出嚟作亂,因為梁天琦同黃台仰唔喺度,亦出唔到聲,班友咪亂嚟,就係咁簡單之嘛。

睇番愛爾蘭歷史,愛爾蘭獨立戰爭死人唔多,係愛爾蘭內戰死得人多,支持英愛條約果班處決咗好多反條約派嘅人,呢點我好理解當年條約派點解咁心狠手辣,反條約派班友,做事方式同依家熱普城一樣,而且不負責,連Michael Collins都殺,咁你係條約派可以點做,就係有權用盡,殺晒班粉腸先講,仲有乜好做。當然為後嚟愛爾蘭政治帶嚟好多傷痕,因為今日愛爾蘭兩黨都係當年反條約派同條約派變出嚟(依家愛爾蘭執政黨Fine Gael咪條約派,而反對黨Fianna Fáil 咪反條約派變出嚟,愛爾蘭嘅兩黨政治係近十年因為啲內戰老兵同後代都玩完得七七八八至無咁火藥味)。

所以我會點睇焦土派,就係選舉結束後就必須全力清剿焦土派,任何焦土派嘅平台都要杯葛,任何焦土派嘅人出嚟亂講嘢都要直斥其非,令到佢地變成一群過街老鼠為止,一係直接投共,直接當五毛處理,我並唔想喺香港歸英或獨立後,仲要學愛爾蘭打獨立戰爭。而且佢地嘅手法,根本同抗日果陣中共一樣無恥。

發表迴響

你的電子郵件位址並不會被公開。 必要欄位標記為 *