Facebook-取代-min

取代 Facebook 嘅平台應該點考慮

Facebook 係信唔過,我相信已經係阿媽係女人級數嘅常識,否則我都唔會喺咁搵替代平台,如果我唔係一早搵咗替代平台,同埋長期有Twitter做基礎,我相信我一早喺 Facebook 改換算法一役度大傷元素,唔會好似依家咁,仲有子彈去打果班仲依賴 Facebook 嘅KOL。雖然我都鼓勵大家用Whatsapp同Gmail share我啲文嘅link。讀者問我用乜替代平台,我會有以下考慮。

Facebook 最有可能替代: Google+

首先,Telegram創辦人創辦嘅VK,我係絕對唔會考慮,原因係VK依家係普京老友Mail.ru名下,Telegram創辦人就係被普京迫害至要放棄VK搞Telegram,所以VK我係絕對唔會考慮用嚟替代 Facebook ,除非俄國係一個真正民主政體,但俄國邁向真正民主係有排都唔會發生嘅事,如果俄國瓦解,留喺歐洲大陸嘅部分係有機會變成一個民主國家,但唔係依家呢個乜都有嘅大帝國囉。

我依家最可能替代係 Google+ ,一方面 Google+ 有相應手機App,基本上照顧到手機用家,另一方面,Google+建基於Google強大嘅程式開發同資訊基建,所以我個人對Google+穩定度有信心,Telegram Channel主要係用嚟派文用。

至於Twitter,由於Twitter太耐無大錢賺,搵啲中國員工同國安關係令人不安,所以我對Twitter持保留態度,呢個亦係我偏向Google+多少少嘅原因,當然你要用Twitter,我都認為係好過 Facebook 嘅一個選擇嚟,Twitter班友無豬西伯格咁不擇手段。

Vero暫時用嘅人好少,我都係測試階段,但佢一定係好過Instagram,Instagram唔俾人share link,請問我可以點出文,黐線嘅咩。Snapchat我都唔考慮住,因為間公司有問題。LINE我可能會恢復使用,我依家思考LINE嘅可用度係點。

但都係果句, Facebook 無必要留戀太耐,唔好當佢係唯一平台,佢只不過係當年嘅Yahoo!

發表迴響

你的電子郵件位址並不會被公開。 必要欄位標記為 *