立法會補選-史大林格勒-min

立法會補選 與史大林格勒

立法會補選 同史大林格勒嘅關係,十幾年前講過一次,兩太會戰(陳方安生對戰葉劉淑儀),基本上係我嘅Plan B之下打。但如果再講 立法會補選 同史大林格勒之間嘅關係,呢次都係適用。當然,唔係上次陳方安生對葉劉淑儀果種,近乎巷戰嘅打法。上次真係廁所打到廚房,打到一兵一卒果隻。(果次都係黃毓民出嚟搗亂)。但今次,都係一場史大林格勒。

呢次 立法會補選 嘅意義

先講,如果對本土派嚟講,如果支持大中華嘅泛民係evil,共產黨一樣evil,幫邊個,邱吉爾當年有名演說講咗,佢會幫史大林,邱吉爾好憎共產黨,好憎蘇聯,但當年佢請求下議院支持援助蘇聯果陣,佢係咁講

If Hitler invaded hell I would make at least a favourable reference to the devil in the House of Commons.

如果希特拉入侵地獄,我至少會喺下議院幫魔鬼講句好話。

如果焦土派再講白痴嘢,用邱吉爾名言大佢地就得,一睇就知成班友唔讀書。

跟住講意義,當年蘇聯投放大量人力物力防衛史大林格勒,當然,純粹由戰爭嚟講,花大量人力物力攻佔史大林格勒係愚蠢,因為軍事價值有限,無乜資源,德國應該繞過史大林格勒,儘速揮軍佔領高加索地區,奪取蘇聯油田補充油料供應。但希特拉決定攻史大林格勒,主要目的係要打擊史大林鬥志,呢個亦係希特拉同史大林完全唔計較人命去打嘅原因。

對土共嚟講,如果嚴格戰略嚟講,係唔需要派土共出嚟打,煽動黨內任打免費仲賤,但依家土共係要用呢次選舉,向國際社會證明,DQ係得到市民支持,否則請嚟一大堆仆街KOL嚟把鬼呀。特別依家英國仍然未公布最新嘅香港半年報告,土共就係攞呢四席作為俾習近平登基嘅禮物,所以由呢個符號意義嚟睇,我亦只有一個選擇,就係喺呢場巷戰之中徹底擊敗中共同埋佢嘅同盟軍,at all cost,呢場仗如果土共大敗,就會係轉捩點,因為土共用埋DQ都無奪取泛民同本土嘅議席,根本無法打落去。

英美同蘇聯都係二次大戰差攻到德國境內至開始冷戰,所以依家有必須打咗史大林格勒先,呢個係我對班KOL鄙視嘅原因。

發表迴響

你的電子郵件位址並不會被公開。 必要欄位標記為 *