焦土派-min

係時候搵人舉報 焦土派

本來,我好少主張要將熱普城或者 焦土派 攞去廉署煮佢地重米,只不過,陳國強share咗呢個橫額之後,我相信呢個橫額,hit and run嘅橫額,正係有份share呢張banner嘅 焦土派 做,呢啲係選舉舞弊,我認為將 焦土派 送去坐監係唯一做法,如果廉署唔處理呢班友,即係佢地投咗共,成件事就係咁簡單。

焦土派 知唔知自己搞緊乜

焦土派 或者以為咁玩好得意,但我唔認為呢樣嘢係好得意,因為呢個banner唔係虛擬,係實物嚟,係受《選舉(舞弊及非法行為)條例》所規管,陳國強以為好威嘅banner,已經觸犯兩條法律

《選舉(舞弊及非法行為)條例》第26條1款

任何人為促使或阻礙某候選人或某些候選人當選,而發布關於該候選人或該等候選人且屬虛假達關鍵程度或具誤導性達關鍵程度的事實陳述,即屬在選舉中作出非法行為。
(2)任何候選人 ——
(a)為促使他或跟他有關聯的候選人當選;或
(b)為阻礙另一名候選人或另一些候選人當選,

范國威係經過民主派初選嘅代表,所以呢個係發布虛假達關鍵程度或具誤導性達關鍵程度嘅事實陳述,係拉得,果啲 焦土派 準備見廉署啲人喇,如果廉署堅做嘢嘅話。

而呢條banner本身,就係選舉開支,因為佢係一條實物banner嚟,我話知你用幾多錢印條banner出嚟,根據《選舉(舞弊及非法行為)條例》第23條1款

任何人如非候選人亦非候選人的選舉開支代理人而在選舉中或在與選舉有關連的情況下招致選舉開支,即屬在選舉中作出非法行為。

依家有人唔係候選人,亦唔係候選人嘅選舉開支代理人,搞出啲選舉開支出嚟,呢個唔係犯法係乜嘢?所以,呢件事我認為泛民啲支持者,見到邊個 焦土派 share呢張嘢,就同佢玩真焦土政策,告晒呢班大帝去廉署就得,跟住我睇廉署嘅反應,就知道呢班 焦土派 係唔係真投共喇,因為真投共咗,廉署就梗係唔會查呢班所謂 焦土派 。

仲有一樣嘢,我作為親歷311東日本大震災嘅人,唔好話搞乜嘢東日本大震災紀念活動叫人唔投票,呢啲 焦土派 濫用受災嘅人抽水,我一定唔會放過。

發表迴響

你的電子郵件位址並不會被公開。 必要欄位標記為 *