何祚庥-min

何祚庥 都出嚟反習近平登基:江系部署反攻

習近平登基,呢件事一定係呢段期間最重要嘅政治新聞,而反登基聲浪亦出現,但來源十分之古怪,一個係海外中國留學生,一個係 何祚庥 , 何祚庥 同敢言以至民主鬥士都無關係,呢條友只不過係擦鞋仔,反而令人睇到江系準備反攻。

何祚庥 係乜嘢料至得

何祚庥 呢條友點解我唔話佢係民主鬥士,當初鎮壓法輪功,呢條仆街出嚟大力支持,跟住將三個代表同量子力學拉上關係,喺量子力學的建立與科技創新的評價體系,講到三個代表同量子力學大有關係咁,擦鞋擦到咁核突,佢突然間做賭撚,我真係唔知除咗江澤民,宇宙仲有乜嘢力量,可以俾 何祚庥 出嚟做賭撚反對習近平。江澤民呢啲佢嘅老闆要佢做老兵出嚟打,佢敢唔打,平日呢條友都受落江家唔少嘅恩惠喇,雖然佢唔擦鞋果陣,佢講啲論述都係條理分明。有線中國組可以訪問到 何祚庥 ,你估唔係有人想玩出口轉外銷,否則銅鑼灣書店單嘢點會出動洗頭艇。

跟住海外嘅中國留學生,素來以怕死著稱,唔係我唔講政治,就係緊跟黨指示,個個都無自己嘅思考,突然間喺Twitter搞反修憲運動,都係果句,宇宙仲有乜嘢力量,可以俾呢班中國留學生突然間變民主鬥士?呢啲忽然民主鬥士話俾大家聽一樣嘢,江系喺登基呢個問題上搵到突破口,呢次習近平走去搞終身制,根本係攞石頭砸自己腳。

我喺蘋果日報分析習近平稱帝篇文,係有以下分析

另一方面,習近平的政敵自此可用維護改革和體制之名反習近平,他們幹了多少貪污勾當,不少人都可能暫擱一旁,這與給予蔡鍔等人起兵造反的藉口無異。

做時事分析呢家嘢,除非好似某啲人,永遠講啲阿媽係女人嘅嘢,永遠等啲根本唔會嚟嘅嘢,否則,係應該可以推算到分析對象嘅下一步。而呢次 何祚庥 出嚟,正好證明我嘅睇法,呢條仆街,佢以往嘅勾當,邊度同敢言有關,但習近平嘅政敵,依家正正攞起維護改革同體制之名打習近平,所以我話呢次習近平隨時係中咗伏都唔知,特別王滬寧呢啲長樂老人,你永遠唔知呢啲仆街實際效忠緊邊個人,你信佢提出嘅方案,呢次習近平堅係中咗伏都唔知乜嘢事,製造起兵藉口俾敵人果隻。

發表迴響

你的電子郵件位址並不會被公開。 必要欄位標記為 *