Facebook-玩自己-min

Facebook 玩殘自己係自己攞嚟

Facebook 濫用演算法,越嚟越離譜,終於玩殘咗自己,有調查機構指 Facebook 瀏覽時間大減24%,而好多年青人都開始改平台,我依家都準備開拓埋Vero。 Facebook 豬西伯格果種短視管理,係咎由自取。

Facebook 改演算法點解白痴

Facebook 改演算法,大大減少傳媒Page News Feed,表面上聲稱打擊Fake News,但如果係堅打擊Fake News,PTT01, Bomb01甚至HKGPao根本要執咗佢, Facebook 改演算法,一方面要進軍中國,中國唔鍾意太多News Media嘅社交網絡,另一方面,有部分廣告商嘅「我討厭政治」嘅智障思維,以為News Feed無政治無新聞可以sell到嘢,結果就係,乜人都喺 Facebook sell到嘢,因為本來 Facebook 可以取代報紙,但依家係唔少人用其他方法取代 Facebook News Feed報紙嘅功能,唔通睇朋友點自吹自擂,就可以消磨到時間㗎,咪玩喇。

另一方面, Facebook 依家係濫用演算法從事反競爭行為,例如我試咗一日喺自己啲Post叫人subscribe我嘅YouTube Channel, Facebook 竟然嚴重 penalize我嘅traffic,呢啲唔係濫用演算法嘅反競爭行為係乜,就陳澍呢條友,我已經向European Commission提出投訴,但 Facebook 對Medium以及YouTube嘅反競爭行為,我會另行立案投訴。

豬西伯格根本問題係,呢條友有啲聰明,但本來 Facebook 喺技術以至coding上都已經唔係最好,間公司缺乏透明度,又唔問過客戶想要乜自把自為,呢啲公司終有一日被玩殘係應該,所以我依家玩分散投資亦係咁解,因為 Facebook 呢間公司應該短期內無人會認真提醒到佢地嘅管理層有乜問題,我甚至好懷疑,呢間公司嘅崩潰模式,應該係同當年 Yahoo! 差唔多,依家只不過等下一代嘅 killer application出現, Facebook 就完成任務。

發表迴響

你的電子郵件位址並不會被公開。 必要欄位標記為 *