愛你沒有期限-min

愛你沒有期限 ? 示愛都唔俾?就嚟周星馳都被人拉埋

習近平究竟有幾心虛? 愛你沒有期限 ,如果有,那就把它刪掉,其實呢句口號,好大程度係受周星馳《西遊記-月光寶盒》果句對白影響嘅橫額,仲要係3月7日女生節氹女仔用,但如果咁都可以有人聯想到修憲,咁我只能講,有人作賊心虛到草木皆兵嘅程度,如果政權要搞到民憤四起,突然好似壽西斯古咁倒台,都應該係一件好容易嘅事。

愛你沒有期限 根本係嚟自西遊記嘅對白

周星馳版嘅《西遊記》,佢演嘅至尊寶講過以下對白,呢句嘢,應該係我地呢代香港人,甚至唔少中國人嘅集體回憶,邊個無睇過周星馳啲膠嘢。

如果上天能夠給我一個再來一次的機會,我一定會對那個女孩子說三個字”我愛你”,如果非要在這份愛上加一個期限的話,我希望是一萬年。

所以果句嘢,係將周星馳嘅對白掉轉嚟推,雖然出橫額嘅係清華大學法律系嘅學生,但依家中國啲大學生,個個都行屍走肉咁,特別讀到清華北大果啲,邊會諗到咁多。王丹、吾爾開希果代嘅紅二代,仲有啲理想同做人原則,依家啲中國大學生邊有㗎,咪玩。但結果,就係咁都變文字獄,呢件事可以講係維民所止變雍正無頭嘅翻版,根本係無限上綱嘅文字獄。

其實點解明清兩代嘅文字獄特別勁呢,都係果句,當權者權力正當性有問題,就會亂嚟,好似朱元璋,一介農民突然變皇帝,得唔到文官集團支持,所以郁唔郁狂殺知識分子,清帝國簡直係異族政權,所以大搞文字獄。蔣介石、毛澤東呢啲人,邊個權力係正當,而習近平唔理鄧小平嘅共識修憲,一樣係權力正當性有問題,所以心虛到一句將周星馳對白攞嚟二次創作,都可以拉埋,咁會唔會周星馳日後唔知幾時突然被人拉咗。否則點會有伴君如伴虎呢句話,對於作賊心虛嘅君主,你點擦佢鞋,都可能由於心虛造成嘅懷疑,結果係連你都殺埋,你點刷鞋都無意義。

所以,香港繼續留喺中國前景暗淡,因為中國嘅運作邏輯,基本上都仲係大清帝國果套,中國人根本無進步過,而1911年嘅辛亥革命,實際上係失敗革命。台灣嘅民主,係台灣人自己努力嘅成果,同中國人無關,咪認屎認屁。

發表迴響

你的電子郵件位址並不會被公開。 必要欄位標記為 *