梁燕城-鄧家彪

土共搵神棍 梁燕城 助選嚟把托

雖然成棚投咗共嘅本土派,好努力咁幫鄧家彪助選,只不過,依家嘅共產黨係堅係蠢到無朋友,搵神棍 梁燕城 嚟助選,九龍西仲可能有少少用嘅,但喺新界東呢個地方,我真係多謝出 梁燕城 呢啲撚樣,等大家可以專心去打偽焦土派果班新興神棍。

梁燕城 係基督教界嘅移動龍門祖宗

我呢代人好早已經知道有 梁燕城 呢條神棍,因為《李天命的思考藝術》果陣賣得好勁,當然李天命果門語理分析,以至佢本人都唔係乜嘢好嘢,只不過,李天命一路追打 梁燕城 喺傳教果陣嘅光速移動龍門就十分之有效果,如果依家我呢代嘅人,對梁美芬呢啲神棍有免疫力,真係多謝當年 梁燕城 果啲不負責任嘅傳道行為。好難有一個傳教士,可以令到大家對明光社呢類組織可以如此反感,因為佢地個龍門,純粹係佢贏晒,講完。

所以你依家出 梁燕城 嚟助選,我呢啲四張嘢嘅友仔,見到就即刻X佢老母,立即做決定禮拜日投范國威算喇。至於年青人, 梁燕城 支持,即係蔡志森果啲友仔支持喇,你嫌香港啲塔利班唔夠多,好想香港變咗伊朗式神權統治,我諗係得張翠容可能好歡迎嘅。所以呢,劉正、健吾、容樂其、兩隻屍達呢啲友仔,點賣力演出都無用,你班友有係豬一般嘅隊友,況且以共產黨果種判上判上判嘅分贓模式,實際袋得最多又係果幾件老屎忽,或者好似 梁燕城 呢啲一早賣咗耶穌同屎忽嘅神棍。

我一直都唔會考慮定居加拿大,除咗香港人同中國人太多外,仲有一個問題,就係加拿大對中共第五縱隊好似無掩雞籠咁,好似 梁燕城 呢啲仆街都可以做加拿大自由黨嘅華人顧問,我心諗你班友無嘢嘛,要拉華人票靠呢啲茂利,加拿大乜仲住得人嘅咩?我諗喺德國,甚至喺英國,都唔可能有呢啲人可以擔任主流政黨所謂華人顧問。加拿大依家搞成咁,就係防衛太空虛,唔少加拿大所謂華人領袖,我認為加拿大皇家騎警根本要開file查呢啲人同中國共產黨嘅關係,會否對加拿大嘅國家安全構成威脅,而 梁燕城 積極幫土共拉票嘅行為,再加上佢列席乜乜政協會議果啲作為,呢個人取消佢加拿大居留權就差唔多,加拿大政府喺呢方面完全唔係路。

One thought on “土共搵神棍 梁燕城 助選嚟把托

  1. 1989/90年,梁燕城喺浸會課室,差啲聲淚俱下咁講自己驚同點解(怕中共又唔肯直接認)而去加拿大嘅情景,仍然歷歷在目。

    今日條友就走去投共。

發表迴響

你的電子郵件位址並不會被公開。 必要欄位標記為 *