焦土政策-min

焦土政策 :你班投共派唔配講

依家有班扮本土,實投共嘅粉腸,成日話乜嘢 焦土政策 ,所以要投票俾老共,唔好投俾泛民,連范國威呢啲本土派都要老屈佢。對於呢啲妖言惑眾,曲解戰爭術語嘅仆街,我都忍得夠,我依家解釋一吓,乜嘢叫 焦土政策 ,依家堅持行 焦土政策 ,應該投泛民。

焦土政策 嘅目的

戰爭果陣,最重要係資源,但唔係吓吓後勤都可以提供足夠彈藥、燃料、食物,特別好似德國或日本為搶資源而打仗,情況就更加明顯,所以 焦土政策 ,就係防止敵方以戰養戰,當呢啲缺乏資源嘅國家無法透過佔領新土地取得所需資源補給,場仗就好難打,基本上,蘇聯可以拖垮納粹德國,就係知道德國本土無法提供足夠資源支援對蘇戰爭,所以蘇聯佬就唔留低任何資源,當然,如果當初德國成功攻入高加索地區,就另有睇法。

所以依家我唔明呢班假焦土講乜X嘢 焦土政策 ,中國係香港嘅敵人,每票可以得到十四蚊資助,點解要投土共一票,送十四蚊俾土共,點解唔俾子彈泛民,除非呢啲假焦土派根本係土共同盟軍,實際上係幫中共鏟除泛民。但如果係咁,呢啲叫偽軍,偽軍係要直接打擊,完全唔駛客氣,呢啲係叫投共派,咁有乜資格同我講 焦土政策 。

事實上,果啲假焦土派嘅特色就係,佢地根本唔敢提出 焦土政策 喺軍事上嘅準確定義,唔係將香港變成焦土去防止中共,如果要將香港變成焦土,咁呢啲假勇武人士依家做緊乜,如果係真 焦土政策 對中共,係應該有其他戰術配合,例如唔向香港政府交稅,唔用任何銀行服務,甚至連Facebook都唔用,費時俾五毛同陳澍達成目的。因為佢地呢啲所謂本土KOL故弄玄虛,所以就將 焦土政策 曲解,所以我有必要出嚟將呢啲曲解焦土嘅仆街打出去,亦都係咁解。

呢件事亦反映到本土派有一樣嘢好危險同唔成熟,就係太依賴KOL,當神拜,泛民都有類似問題,但本土派嚴重好多,否則點會一個跟過老蕭,老婆係差婆嘅仆街可以扮本土,果啲抄抄子,或澳門賭徒,又係扮本土派,究竟本土派嘅年青人,有無諗清楚依家亂講嘢啲友仔嘅背景?你投咗共都唔知咁傻,唔係嘛,聽人講嘢諗吓先。

發表迴響

你的電子郵件位址並不會被公開。 必要欄位標記為 *