壹週刊-min-2

壹週刊 告別紙本:算得上合理嘅決定

壹週刊 宣布,下禮拜係最後一期紙本,跟住變網媒。對於傳媒人嚟講,其實一早應該咁做,周刊呢種咁尷尬嘅Media,係一早要轉型,而告別紙本,基本上都係世界大勢, 壹週刊 咁樣做,日後有機會再轉Subscription Model突圍,反而仲有生存機會。

壹週刊 做紙本根本唔值得

對讀者嚟講,買本 壹週刊 可能只係去落街買,但賣果個,就要處理好煩嘅物流工作,例如發行、印刷、排版,全部實物,全部都要錢,呢個亦係點解 壹週刊 已經賣你廿蚊本,仲要裡面要收廣告,因為實際上,你本書可能要成四十蚊,甚至五十蚊至回到本。無可否認,如果唔計中國hacker呢個因素,其實網媒嘅物流成本係好平。都係果句,我呢度營運,投放喺Server大概五十美金(咁已經用咗快啲Server去提高MySQL回應程度,四月會再升級,另加10美金CDN費用),我每個月德國電信嘅寬信租金四十歐羅,大概一百歐羅喺基本電訊基建度。比起印刷,又要承擔紙價成本,平好多。

而且香港比美國,周刊更加昂貴係,喺美國,本來周刊已經係快又唔夠快,深入又唔夠深,結果Newsweek都要轉網媒,但美國仲有地方俾你儲吓雜誌,香港寸金尺土,你買完本雜誌擺喺屋企幾日本身都係問題,所以呢個亦係令香港雜誌整體大衰退嘅原因。所以,因呢個角度, 壹週刊 告別紙本,睇東周刊可以靠維穩費捱到幾耐,但東周刊你俾我完全唔會睇,你叫我俾錢睇Content Farm級嘅內容傻的嗎,你叫我用手機data睇content farm內容都覺得係白痴喇,更何況真金白銀俾錢?

依家 壹週刊 網媒化最大挑戰,其實係Facebook同陳澍呢件仆街,我懷疑Facebook有收錢就個別keyword進行traffic上的壓制,呢種另類廣告手法如果係真嘅話,就十分之無恥,所以 壹週刊 都要叫大家多啲share,雖然 Facebook 叫人唔可以呼籲人share,都估豬西伯格搞緊啲無恥商業模式,最初叫人要share增加interaction,又係Facebook。

發表迴響

你的電子郵件位址並不會被公開。 必要欄位標記為 *