聯合財富情報組 -min

聯合財富情報組 不如執咗佢吧

高等法院有單案,雖然我未睇晒內情,但我都認為 聯合財富情報組 不如執咗佢,就係一單洗黑錢案件,黑警凍結一個離婚婦人嘅銀行戶口,結婚金器,又唔准賣樓,但單案拖咗一年半都未落charge告,呢啲部門我只能用執咗佢嚟形容。

聯合財富情報組 有真係反黑錢?

如果 聯合財富情報組 係堅有用,中國啲黑錢入唔到嚟,而香港銀行啲 know your client 程序亦無理由仲煩過德國,德國已經係世界數一數二官僚到爆嘅國家嚟,如果連德國都輸埋,我都唔知乜嘢國家。依家係小民開戶口好難,但中國啲貪官繼續啲犯罪收益源源不絕喺香港出出入入,喺樓市股市搞亂個市,所以依家 聯合財富情報組 究竟係反緊乜嘢黑錢,我好懷疑,我只係知道上至黃之鋒,下至一般做生意嘅人,都開唔到銀行戶口,香港開銀行戶口仲難過登天。

好喇, 聯合財富情報組 如果堅係對付毒犯嘅黑錢,其實香港傳媒或者娛樂界,有唔少錢擺明車馬嚟自犯罪收益,點解今日 聯合財富情報組 以至律政司司長仍然未有採取行動,如果香港歸英,有啲明顯喺由犯罪收益成立嘅公司,不論大細,都應該一律沒收,唔俾呢啲機構成為犯罪分子洗錢,甚至將自己嘅犯罪收益換取政治權力嘅工具,好明顯,香港呢方面係失敗。入稟人要求宣布《有組織及嚴重罪行條例》違憲,其實唔係無道理。警方凍結財產權力,居然無法庭授權,簡直係製造黑警濫權嘅機會,甚至可以俾黑警攞嚟做政治打壓,既然真正嘅犯罪分子,政府根本係無意打擊,咁不如算吧, 聯合財富情報組 不如執咗佢吧,果啲所謂洗黑錢法律,亦不如執咗佢吧。

有人話 KYC 係因為美國壓力,HSBC果啲,都多少係嘅,只不過,大家有眼見,啲中國人一樣又喺香港成立有限公司,違反聯合國禁運令同北韓做生意,搞到呢啲所謂香港公司被美國點名,而香港眾志想成立有限公司都係被打壓。所以唔好乜都屈美國壓力,你班中國搬龍門專家,見美國佬洗黑錢理由好用就做政治打壓,敘利亞啲化學武器唔少嚟自北韓,唔係中國呢班人渣,又用咗香港公司做咗幾多嘢呢?我真係有興趣。

發表迴響

你的電子郵件位址並不會被公開。 必要欄位標記為 *