港獨研究學會-min

港獨研究學會 獲批:呢個係原則問題

中大代表會批咗 港獨研究學會 ,雖然呢個會擺明挑戰校方禁止港獨標語擦人鞋,但我作為中大代表會廿八屆院委主席,亦即係中大同志文化小組成立果屆嘅院委主席,校方最好唔好亂嚟,呢個係一個基本嘅言論自由原則問題, 港獨研究學會 唔X關校方事。

港獨研究學會 獲批成立好正常

中大同志文化小組喺廿七屆代表會果陣提交申請成立,並獲批,但趕唔切喺廿七屆代表會大會上通過,當時接手院委主席果陣,考慮好簡單,研究同性戀係基本言論同結社自由,必須予以尊重,所以我作為代表會院委主席將申請提交大會,並持支持態度,因為廿七屆院委通過咗,我就有責任喺大會上發言予以支持,當時有唔少基督徒代表反對,但最後都係通過咗,跟住就成為先例,所以 港獨研究學會 嘅成立,完全係尊重過往院委嘅決定同先例,同中大學生會成立目的無衝突,呢項結社同言論自由係必須尊重,而且學生會代表會亦有責任捍衛呢項基本自由,否則代表會堅係不如執咗佢算數喇。行政機構有責任捍衛基本自由,呢個係無庸置疑嘅宗旨。

段崇智呢個中大新校長,係好鍾意賣屎忽,但唔該唔好搵學生事務處班友干擾屬委會運作,你段崇智嘅屎忽賣咗俾中聯辦就連學者都無資格做,而中大代表會係無責任去為你賣屎忽嘅行為埋單嘅。

無錯,我依家講嘢十分之難聽,但香港啲學者令人鄙視,十個有九個做校方管理層嘅學者,都缺乏鈣質,個個都骨質疏鬆,大學係應該一個思想高度自由嘅地方,如果你土共想搞個共產主義研究學會都得,只不過你班友我怕未必敢出嚟活動,因為全世界鄙視佢之嘛。(吓,乜中國唔係行咗帝制嘅咩,研究乜嘢共產主義,陳獨秀應該激到喺棺材走番出嚟翻咗生,中國共產黨竟然建立咗習近平王朝,完全同中共一大嘅初心相違背)。

當然中大校方班官僚,係一班最唔尊重學生自治嘅官僚,否則中大學生會唔會長期無獨立嘅社團登記,校方嘅中國式專制作風令人反胃,所以校方一定要頂住,如果校方撕晒 港獨研究學會 嘅財物,應該主動告校方班友,我唔認為校方作為業主可以代表亂咁刑事毀壞。保安處班友自己諗清楚,你係唔係做緊犯法嘢,唔係乜嘢標語都清得。

發表迴響

你的電子郵件位址並不會被公開。 必要欄位標記為 *