小熊維尼-min

小熊維尼 真人電影中國上唔上到?

唔知迪士尼係玩膠,定以為咁樣可以進軍中國市場, 小熊維尼 嘅真人版電影,喺習大帝登基後幾個月,即係今年八月上畫。香港上畫應該票房好勁,但原因唔係因為香港好多人鍾意 小熊維尼 ,而係呢套真人版電影根本入唔到中國市場。

小熊維尼 可能全中國得香港睇到

小熊維尼 真人版入唔到中國,當然同 小熊維尼個古仔無關,因為 小熊維尼 本身係十分之非政治化,而係習近平個樣,以至佢老人家嘅身型,同 小熊維尼 實在太似樣,跟住全中國人人習慣攞 小熊維尼 嚟抽習近平水。本來 小熊維尼 做咗習近平嘅代言人,對習近平其實係好事嚟,呢個係有助佢嘅形象,如果係普京,就一早同迪士尼傾點樣將佢同 小熊維尼 拉埋一齊,好不幸,普京身裁太健碩,所以佢只能夠走俄國史泰龍路線。(甚至我懷疑長期留德嘅普京,本身有一鋪天體癮,否則唔會鍾意係又曬肌肉,唔係又曬肌肉)。但習近平好明顯無普京呢種長期喺西方國家駐紮果種政治觸覺,而且不屑受民主考驗,所以 小熊維尼 變咗抽佢水,令佢好唔高興,依家仲要樣衰到學人登基做皇帝,連奧地利佬都挪揄佢係Kaiser Xi,咁你話嘞, 小熊維尼 真人電影會唔會喺中國上到畫,屆時習大帝抽到變人乾都唔掂,而習近平呢條友,又唔玩得,又唔受抽,咁大家諗吓一孩政策下嘅中國細路,會想去邊度睇 小熊維尼 。

當然我唔希望香港啲片商,為咗擦中國鞋,故意減少 小熊維尼 真人電影嘅放映場次,浪費時間喺紅海行動一類香港人之恥嘅主旋律電影。雖然我唔係 小熊維尼 嘅fan,但依家中國人唔俾玩膠果種文字獄,根本係大清帝國果種玩法嚟,高登仔最鍾意叫方力申做万刀甲,而大清帝國雍正皇帝(胤禛.愛新覺羅)當政果陣維民所止都可以講成雍正無頭,結果搞出文字獄,依家由習近平到果啲死五毛,玩嘅文字獄都係呢一味嘢,如果香港都搞到連 小熊維尼 都無得睇或者冷處理,咁香港堅係一國兩制玩完,變成一個普通中國城市,你仲信有乜嘢五十年不變,係細路想睇 小熊維尼 真人版電影都無得你睇,純粹因為果位小器皇帝被人抽水而條氣唔順。

發表迴響

你的電子郵件位址並不會被公開。 必要欄位標記為 *